Trosolwg o'r swydd

Rhaglen GIG Cymru yw Trawsnewid Mynediad at Feddyginiaethau i sefydlu Gwasanaeth Technegol Fferyllol Cymru a rennir. Fel rhan o'r rhaglen hon rydym yn dymuno recriwtio gweithredwyr cynhyrchu i gefnogi'r broses o drosglwyddo'r gwasanaeth presennol i'r model newydd. Bydd yr ymgeiswyr llwyddiannus yn cael eu lleoli mewn unedau GIG presennol lle byddant yn cael eu hintegreiddio i'r strwythur staffio a byddant yn cael eu hyfforddi mewn paratoi aseptig meddyginiaethau a byddant yn gweithio o fewn cyfleusterau ystafell lân arbenigol. Mae GIG Cymru yn paratoi amrywiaeth o gynhyrchion gan gynnwys SACT chwistrelladwy, maethiad mewnwythiennol, deunydd fferyllol ymbelydrol a chynhyrchion CIVAs eraill a bydd eich profiad a'ch hyfforddiant yn amrywio yn dibynnu ar ba uned a neilltuir i chi.

Prif ddyletswyddau'r swydd

Mae'r swydd hon wedi'i chreu i gefnogi uned Gynhyrchu sy’n bodoli eisoes yng Nghymru i gefnogi'r Rhaglen Trawsnewid Mynediad at Feddyginiaethau (TrAMs). Fel rhan o'r tîm hwnnw byddwch yn ymwneud â pharatoi meddyginiaethau i'w chwistrellu sy’n barod i’w defnyddio ar gyfer ystod eang o gleifion gan gynnwys meddyginiaethau a ddefnyddir ar Unedau Gofal Dwys, Meddygaeth Niwclear a'r rhai a ddefnyddir mewn triniaethau canser.

Bydd yr holl waith yn cael ei wneud mewn cyfleusterau ystafell lân arbenigol a weithredir o dan safonau rheoleiddio llym. Rydym yn dymuno recriwtio pobl sydd â dealltwriaeth o dechneg aseptig. Gall hyn fod yn brofiad o fewn gwasanaethau fferyllol neu sgiliau trosglwyddadwy a gafwyd mewn meysydd ymarfer eraill.

Deall a chadw at yr holl ganllawiau diogelwch a deddfwriaeth gwaredu, yn enwedig mewn perthynas â gofynion COSHH a HSE, trin cynhyrchion sytotocsig a/neu ymbelydrol a defnyddio a gwaredu offer miniog a gwastraff fferyllol arall. 

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cai

Gweithio i'n sefydliad