Trosolwg o'r swydd

Ydych chi eisiau dechrau gyrfa mewn nyrsio?

Cymerwch eich cam cyntaf mewn gofal iechyd gyda chyfle cyffrous ym Mwrdd Iechyd Prifysgol Betsi Cadwaladr, yn gweithio mewn partneriaeth gyda choleg addysg bellach. Mae’r Brentisiaeth yn cynnig llwybr cefnogol i nyrsio, yn eich helpu i ennill profiad gwerthfawr i lansio eich gyrfa.

Rydym yn disgwyl i chi:

• Bod yn 17 mlwydd a 9 mis oed o leiaf ar adeg cychwyn
• Meddu ar sgiliau rhifedd a llythrennedd da
• Meddu ar sgiliau cyfathrebu rhagorol
• Gallu dangos tuedd ofalgar a thosturiol a’r ymroddiad i waith mewn amgylchedd gofal iechyd heriol ond gwerth chweil.

Fel prentis, gallwch ddisgwyl gennym ni:

Hyfforddiant llawn trwy:

• Gweithio ochr yn ochr â staff profiadol i’ch cynorthwyo chi a’ch helpu i ennill y sgiliau ymarferol rydych eu hangen
• Dysgu sgiliau penodol i’r swydd
• Cyflawni Rhaglen Gynefino HCA GIG Cymru Gyfan o fewn 3 mis o ddechrau
• Cyflawni cymhwyster galwedigaethol Lefel 2 fel Cynorthwyydd Gofal Iechyd o fewn 2 flynedd o ddechrau
• Bydd eich holl hyfforddiant wedi ei dalu’n llawn
• Profiad gwych o weithio fel rhan o dîm, yn gwneud gwahaniaeth gwirioneddol

Meini prawf cymhwysedd ar gyfer Cynlluniau Prentisiaethau wedi’u hariannu gan y Llywodraeth (Perthnasol i’r swydd hon)

• Nid yw unigolion sydd eisoes â gradd yn gymwys i ymgymryd â Phrentisiaeth Lefel 2
• Ni ddylai ymgeiswyr fod â chymhwyster Lefel 2 mewn Gofal Iechyd eisoes

Prif ddyletswyddau'r swydd

Bydd Prentisiaid Cynorthwyydd Gofal Iechyd yn derbyn hyfforddiant ac arweiniad priodol i ymgymryd â’r ystod lawn o ddyletswyddau. 

Deall y rôl a pharodrwydd i ddysgu a datblygu gwybodaeth ddamcaniaethol a sgiliau ymarferol.

Mae’r rôl yn cynnwys cynorthwyo staff hyfforddedig i gyflwyno gofal i gleifion ar eu hadegau mwyaf bregus, gan sicrhau bod urddas a pharch yn cael eu cynnal drwyddi draw. Cynorthwyo cleifion i gwrdd â’u hanghenion gofal personol, cynorthwyo gyda phrydau a diodydd trwy gydol y dydd. Mae gofyn hefyd i Weithwyr Cymorth Gofal Iechyd lanhau’r amgylchedd clinigol yn gyffredinol trwy baratoi mannau gwelyau a glanhau offer. Mae angen i ddeilydd y swydd feddu ar sgiliau cyfathrebu da a bod yn aelod effeithiol o dîm. Caiff staff eu cynorthwyo i gwblhau hyfforddiant gorfodol.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg ymgeisio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.