Trosolwg o'r swydd

Mae gan y tîm Trawma ac Orthopedig gyfle cyffrous i Nyrs Gofrestredig brofiadol ymuno â’n tîm trawma ac orthopedig sefydledig yn Ysbyty Cyffredinol Glangwili.

Rydym yn chwilio am unigolyn brwdfrydig a llawn cymhelliant sydd â phrofiad o weithio ym maes Trawma ac Orthopaedeg. Bydd angen i ymgeiswyr ddangos eu bod wedi gweithio ar lefel Band 6 neu uwch.

Rydym yn chwilio am nyrsys blaengar sy'n ymdrechu i sicrhau’r safonau gofal uchaf, gan ddarparu gwybodaeth arbenigol am drawma i gleifion, staff y wardiau a’r tîm amlddisgyblaethol ehangach.

Bydd y rôl yn cynnwys casglu data a chefnogi'r broses o gasglu a dilysu data ar gyfer y Gronfa Ddata Genedlaethol ar Dorri Cluniau (NHFD), dehongli’r data a gweithio gyda’r Nyrs Glinigol Arbenigol Trawma presennol, y Tîm Gofal wedi’i Drefnu a Thîm Safle Glangwili mewn prosiectau gwella ansawdd i wella a chynnal cydymffurfedd â’r Dangosyddion Perfformiad Allweddol a nodir yn yr NHFD.

Bydd angen i'r ymgeisydd feddu ar ddealltwriaeth o Rwydwaith Trawma Mawr De Cymru a'r llwybrau presennol ar gyfer gwasanaethau trawma ledled De Cymru.

Bydd yr ymgeisydd llwyddiannus yn arwain ac yn datblygu llwybrau penodol o ran trawma, gan gefnogi a hwyluso'r broses o reoli grwpiau (mae hyn yn cynnwys cleifion sy'n torri asgwrn eu clun) mewn modd diogel ac effeithiol o'r pwynt derbyn i'r pwynt rhyddhau.

Rôl  yw  30 awr yr wythnos, dros 7 diwrnod gan gynnwys penwythnosau a gwyliau banc.

Prif ddyletswyddau'r swydd

Cydweithio â'r tîm amlddisgyblaethol i sicrhau bod gofal nyrsio o safon uchel yn cael ei ddarparu mewn modd diogel ac effeithiol.

Bod yn gyfrifol am fonitro cleifion mewnol yn ddyddiol ar wardiau Trawma ar ôl cael llawdriniaeth i sicrhau eu bod yn gwella fel y cynlluniwyd, a chysylltu â'r tîm meddygol perthnasol yn unol â hynny. 

Cymryd rhan, gyda'r Cydgysylltydd Trawma a staff y Theatr Llawdriniaethau, yn y gwaith o gydlynu llawdriniaeth trawma brys yn unol â'r rhestr o gleifion trawma sy'n aros am lawdriniaeth, argaeledd cyfarpar, amser llawfeddygol, ac ati.

Hwyluso a chefnogi diwylliant sy’n deall ac yn diwallu anghenion arbenigol a chymhleth cleifion trawma, gan sicrhau bod y targedau perfformiad, megis hyd arosiadau byrrach, yn cael eu cyflawni. 

Hwyluso proses effeithiol o gydgysylltu llwybrau cleifion trwy gydweithio â gwasanaethau perthnasol i sicrhau gofal amserol, priodol a diogel. 

Cyflymu proses ymyriadau clinigol ar gyfer pob claf trawma, a chyflawni’r safonau clinigol fel y’u nodir yn y Gronfa Ddata Genedlaethol ar Dorri Cluniau (NHFD).

Darparu addysg a hyfforddiant i staff sy’n gweithio mewn lleoliad Trawma, gan gynnwys timau nyrsio, myfyrwyr (nyrsio a meddygol), timau therapïau, a gwasanaethau cymunedol yn ôl y gofyn.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol;
•  43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu