Mae'r raddfa gyflog ar gyfer Band 3 wedi'i haddasu fel rhan o ddyfarniad cyflog Agenda ar gyfer Newid y GIG ar gyfer 2026/2027. Bydd yn cael ei weithredu ym mis Awst 2026 wedi'i ôl-ddyddio i 01 Ebrill 2026 lle bo'n berthnasol.

Trosolwg o'r swydd

M ae cyfle cyffrous wedi codi i ymuno â Thîm Cyllid PCGC fel Cyfrifydd Rheoli. Bydd y swydd, a fydd yn rhoi ystod eang o brofiadau i chi ym maes rheolaeth ariannol ar draws PCGC, Mae’r swydd yn hyblyg ac yn eich galluogi i weithio o gatref neu o’r swyddfa sydd wedi’i lleoli ym Mharc Nantgarw.

Mae'r rôl yn gofyn am unigolyn ymroddedig, gweithgar sydd â phrofiad ariannol a sgiliau analytig  sy'n gweithio'n dda fel rhan o dîm ac sy'n gallu gweithio i derfynau amser llym.

Mae'r gallu i siarad Cymraeg yn ddymunol ar gyfer y swydd hon; Mae’r un croeso i siaradwyr Cymraeg a / neu Saesneg wneud cais.

Prif ddyletswyddau'r swydd

Mae'r swydd hon yn darparu gwybodaeth, cefnogaeth a chyngor cynhwysfawr mewn perthynas â rheolaeth ariannol i reolwyr ar bob lefel. Mae elfennau allweddol y swydd yn cynnwys cynhyrchu sefyllfa ariannol fisol gywir, gwaith costio blynyddol ac ad hoc, a chefnogi deiliaid cyllidebau gyda phob mater ariannol.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei cymell gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.