Trosolwg o'r swydd

Mae'r gallu I siarad Cymraeg yn hanfodol ar gyfer y swydd hon

Mae clerc y ward yn gyfrifol am ddarparu gwasanaethau’r dderbynfa i’r ward ac am ddarparu gofal cwsmer o safon uchel i ystod eang o grwpiau.

Rhaid i glerc y ward chwarae rôl ragweithiol yn y gwaith o gasglu, ymchwilio, dilysu a chofnodi data demograffeg a thriniaeth cleifion o safon uchel.  Rhaid mewnbynnu gwybodaeth o’r fath yn gywir ar y system gwybodaeth am gleifion.

Mae'n rhaid i ddeiliad y swydd ymgymryd â gwaith blaengynllunio effeithiol i sicrhau bod gofynion gweinyddol y gwasanaeth yn cael eu bodloni, ac mae'n rhaid cynnal ystod o brosesau gweinyddol effeithiol i gefnogi’r gwaith o ddarparu gofal o ansawdd uchel i gleifion.

Prif ddyletswyddau'r swydd

 Nid rôl glinigol ydy hon, ond disgwylir i ddeiliad y swydd weithio fel rhan

o’r tîm amlddisgyblaethol ehangach i sicrhau bod cleifion yn cael y gofal

gorau posibl.

Darparu gwasanaethau’r dderbynfa mewn ffordd broffesiynol,

gymwynasgar a chwrtais i gleifion neu berthnasau sy’n cyrraedd y ward,

gan groesawu pob ymwelydd a chyfeirio fel y bo’n briodol. 

Gallu defnyddio barn a chrebwyll i ddelio â sefyllfaoedd anodd ac

aelodau’r teulu / gofalwyr pryderus gan ddefnyddio empathi, doethineb a diplomyddiaeth.   

Ateb y ffôn a chymryd negeseuon mewn ffordd broffesiynol,

gymwynasgar a chwrtais, gan ateb neu gyfeirio ymholiadau fel y bo’n

briodol.

Darparu cymorth gweinyddol cyffredinol o ansawdd uchel a chyfrinachol

i'r ward, yn enwedig i gefnogi Rheolwr y Ward gyda thasgau fel teipio

adroddiadau, cofnodi data, cadw cofnodion mewn cyfarfodydd aml

broffesiynol yn ogystal â chyfarfodydd ward a chofnodi data fel bo angen.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.