Trosolwg o'r swydd

Rydym ni’n hynod gyffrous o allu cynnig swydd Uwch Seicolegydd Clinigol 8a o fewn ein tîm CAMHS cymunedol. Rydym ni’n croesawu ceisiadau gan y rhai sy’n chwilio am gyfle i ymuno ar Fand 7 a dilyn llwybr datblygiad i swydd 8a uwch.

Bydd deilydd y swydd yn ymuno â’n tîm amrywiol ac amlddisgyblaethol bywiog sydd wedi’i leoli yng Nghonwy neu’n Sir Ddinbych. Rydym ni’n wasanaeth CAMHS Arbenigol a chwbl integredig sy’n darparu Ymyrraeth ac Atal Cynnar yn ogystal â Haen 3, gan ddarparu gofal iechyd meddwl sylfaenol ac eilaidd ar gyfer plant a phobl ifanc.

Rydym ni’n falch o allu cynnig amryw o ymyriadau therapiwtig, gan gynnwys rhaglen lawn DBT; CBT; EMDR; Seicotherapi Teuluol Systemig; Seicotherapi Celf; CAT; Model Maudsley ar gyfer Anorecsia; ac mae gennym ni fynediad at Seicotherapi Seicoddynameg Plant.

Rydym ni’n gwerthfawrogi datblygiad personol a phroffesiynol. Bydd gan ddeilydd y swydd gyfle a chymorth i ddatblygu a defnyddio eu sgiliau arweinyddiaeth glinigol.

Mae gennym ni gysylltiad agos gyda’n gwasanaeth CAMHS Haen 4 a gyda Seicoleg Bediatrig leol, gwasanaethau Niwroddatblygiadol ac Anabledd Deallusol. Rydym ni’n gweithio’n agos gyda’n partneriaid amlasiantaethol, ac mae gennym ni berthynas rhagorol gyda Rhaglen Seicoleg Glinigol Gogledd Cymru. Rydym ni hefyd yn cynnig addysgu yn ogystal â lleoliadau craidd ac arbenigol.

Gwahoddir ceisiadau hefyd gan ymgeiswyr sy'n dymuno gweithio fel Seicolegydd Clinigol gyda chyfle datblygu

Prif ddyletswyddau'r swydd

Darparu gwasanaeth seicoleg glinigol arbenigol iawn i gleientiaid y sector, gan ddarparu asesiad seicolegol arbenigol a therapi i gleientiaid.

Gweithio’n annibynnol ac yn unol â Chod Ymarfer, Egwyddorion Moesegol a Chanllawiau 2004 y Gymdeithas Seicolegol Brydeinig, a’r Cyngor Proffesiynau Iechyd a Gofal.

O fewn y tîm, ymarfer cyfrifoldeb dirprwyedig am reoli a goruchwylio seicolegwyr cynorthwyol a llwyth gwaith yr hyfforddeion, o fewn fframwaith polisïau a gweithdrefnau'r tîm/gwasanaeth.

 Cyfrannu at ddatblygu polisïau a gweithdrefnau tîm lleol er mwyn hwyluso gwasanaeth o answdd gwell.

Cynghori rheolwyr gwasanaeth a phroffesiynol ar agweddau ar y gwasanaeth sy'n ymwneud â'r tîm lle mae angen mynd i'r afael â materion seicolegol a/neu sefydliadol.

Darparu goruchwyliaeth broffesiynol a chlinigol ar gyfer staff dynodedig, fel y bo'n briodol.

Darparu lleoliadau clinigol a goruchwyliaeth ar gyfer seicolegwyr clinigol dan hyfforddiant lefel Doethuriaeth a darparu hyfforddiant i weithwyr proffesiynol eraill.

Defnyddio sgiliau ymchwil arbenigol ar gyfer archwilio, datblygu polisi a gwasanaeth, ac ymchwil.

Gweithredu fel aelod o'r panel wrth recriwtio staff dynodedig, fel y bo'n briodol.

 Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.