Trosolwg o'r swydd

Mae swydd hon yn Cyfnod Penodol/ Secondiad tan 31.03.2028.  Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Ydych chi’n ddeietegydd brwdfrydig a llawn cymhelliant sy’n meddu ar sgiliau arbenigol ym maes Deieteg Diabetes? Ydych chi’n frwd ynghylch helpu unigolion sydd â Diabetes Math 2 i leddfu’r clefyd trwy ddulliau deietegol a ffordd o fyw seiliedig ar dystiolaeth?  

Mae cyfle cyffrous wedi dod ar gael i ymuno â thîm deieteteg dynamig sefydledig Hywel Dda, sydd â phroffil uchel yn y tîm therapïau ehangach ac ar draws y Bwrdd Iechyd. Rydym yn cefnogi datblygiad proffesiynol parhaus, arfarnu a goruchwyliaeth yn llawn, ac yn galluogi hyn yn weithredol trwy gynnal sesiynau gwarchodedig mewn cynlluniau swyddi unigol. 

Mae hon yn rôl allweddol ar gyfer arweinydd ym maes Lleddfu Math 2: Deieteg Diabetes, sy’n cynnwys cyfrifoldebau clinigol ac arweinyddiaeth. Mae’r rôl hon yn cynnig cyfle unigryw i rywun sy’n frwd dros wella canlyniadau ledled Hywel Dda ac sy’n ymrwymedig i ddatblygu a dysgu. Byddwch yn cael y cyfle i fod yn rhan werthfawr o’r gwasanaeth 
diabetes cyfeillgar a chefnogol ar draws y Bwrdd Iechyd.

Os oes gennych rôl ddeietegol ym maes diabetes eisoes a'ch bod yn barod i ystyried rhagor o gyfrifoldeb a gwybodaeth yn y maes arbenigol hwn, cysylltwch â Laura Jones – Arweinydd y Gwasanaeth Deieteteg Diabetes i drafod a darganfod mwy. 

Prif ddyletswyddau'r swydd

Byddwch yn gwneud y canlynol: 

• Darparu lefel arbenigol o Ddeieteg Diabetes clinigol, gan reoli llwyth achosion cymhleth o gleifion â Diabetes, a chan ganolbwyntio ar yr unigolion hynny sy’n ceisio lleddfu eu diabetes math 2.
• Rheoli llwyth achosion diabetes, gan lywio gofal amlddisgyblaethol (yn cynnwys gofal sylfaenol) a darparu cymorth arbenigol a goruchwyliaeth glinigol ar gyfer deietegwyr/gweithwyr cymorth/myfyrwyr/gweinyddwyr ledled y Bwrdd Iechyd.
• Arwain yn glinigol y gwaith o ddatblygu, gweithredu, darparu a gwerthuso arferion gorau mewn perthynas â deieteg diabetes math 2 oedolion ledled y Bwrdd Iechyd.
• Gweithio fel aelod annatod o'r tîm arwain diabetes oedolion amlbroffesiynol, gan ysgogi gofal maethol rhagorol trwy ymarfer sy'n seiliedig ar dystiolaeth.
• Sicrhau bod gwasanaethau'n cael eu cynllunio a'u darparu mewn dull di-dor, o hybu'r gwasanaeth, recriwtio defnyddwyr y gwasanaeth, a gwerthuso’r ymyriadau.
• Arwain yn glinigol y gwaith o ddatblygu a darparu addysg a hyfforddiant mewn perthynas â diabetes, gan weithio ar draws llwyfannau amlbroffesiynol a thimau amlddisgyblaethol i gefnogi gofal diabetes sydd mor effeithiol â phosibl.
• Bod yn rheolwr llinell tosturiol ac effeithiol i aelodau'r tîm deieteg diabetes.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg wneud cais.

Fideo recriwtio deieteg — https://youtu.be/VAbALXyMZ8Q  

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

·         Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd

·         Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro

·         Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall

·         47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref

·         Lleoliadau niferus yn darparu gwasanaethau iechyd meddwl ac anableddau dysgu