Trosolwg o'r swydd

Rydym yn chwilio am feddyg ymgynghorol llawn cymhelliant a brwdfrydedd i ymuno â'n tîm presennol o tair ar ddeg o feddygon ymgynghorol. Mae hon yn swydd llawn amser am 6 mis oherwydd ymddeoliad. Mae'n cynnwys cymryd rhan mewn rota ar alwad dibreswyl ar gyfer Obstetreg a Gynaecoleg. Bydd y swydd o ddiddordeb i Feddyg Ymgynghorol â Diddordeb Arbennig ym Meddygaeth y Ffetws. 

Mae Diddordebau Arbennig a Hyfforddiant Achrededig ym Meddygaeth y Ffetws yn ddymunol ar gyfer y swydd hon yn ogystal ag amrywiaeth eang o sgiliau cyffredinol ym maes Obstetreg a Gynaecoleg.

Mae'r gallu i weithio mewn tîm amlddisgyblaethol yn hanfodol. Rhaid i ddeilydd y swydd fod yn hyblyg o ran ei ddull gweithredu a bod yn barod i ateb yr heriau a gyflwynwyd gan y newidiadau esblygol i'r Gwasanaeth Iechyd yng Ngogledd Cymru. Disgwylir i ddeilydd y swydd gymryd rhan ym mhob agwedd ar y gwaith gan gynnwys sesiynau mewn Clinigau i Gleifion Allanol ym maes Obstetreg a Gynaecoleg, Clinigau Arbennig e.e. Meddygaeth y Ffetws, y Ward Esgor, Cyflenwi mewn Argyfwng ar gyfer y Gwasanaeth Gynaecoleg a rhestrau Theatrau Llawdriniaeth.

Prif ddyletswyddau'r swydd

•   Darparu gofal dan arweiniad meddyg ymgynghorol ar draws meysydd obstetreg a gynaecoleg cyffredinol, gan gynnwys gofal cynenedigol, yn ystod genedigaeth ac ôl-enedigol
•    Cymryd rhan yn rota ar alwad y Meddyg Ymgynghorol, darparu cymorth uwch i'r ward esgor a gynaecoleg frys
•      Ymgymryd â thriniaethau obstetreg a gynaecolegol dewisol a brys o fewn y cymwyseddau priodol
•     Cyfrannu at glinigau cleifion allanol, gweithgareddau yn y theatr a rheoli cyflyrau obstetrig a gynaecolegol anfalaen cymhleth
•     Mae diddordeb arbennig ym Meddygaeth y Ffetws yn ddymunol, gyda chyfleoedd i gyfrannu at wasanaethau meddygaeth y ffetws a gofal amlddisgyblaethol
•      Cymryd rhan mewn llywodraethu clinigol, archwilio, addysgu, rheoli risg a datblygu gwasanaethau
•    Goruchwylio a hyfforddi meddygon iau a gweithwyr gofal iechyd proffesiynol eraill
•      Cydweithio â'r tîm amlddisgyblaethol i ddarparu gofal diogel, ansawdd uchel, sy'n canolbwyntio ar y claf

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.