Trosolwg o'r swydd

Mae'r swydd hon yn un tymor penodol tan 31.03.2029 oherwydd anghenion y gwasanaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.  

Rydym yn chwilio am Ymarferydd Cofrestredig brwdfrydig ac uchelgeisiol sydd am symud ymlaen i rôl Band 6 trwy gyfle datblygu tymor penodol. Fel rhan o dîm amlddisgyblaethol deinamig, byddwch yn cefnogi darpariaeth Gwasanaethau Adsefydlu Cymunedol o ansawdd uchel ar draws Gogledd Cymru o fewn yr Adran Iechyd Meddwl ac Anabledd Dysgu. Mae'r swydd hon yn cynnig llwyfan ardderchog ar gyfer twf proffesiynol, gan alluogi'r ymgeisydd llwyddiannus i ddatblygu sgiliau arwain, cydlynu gofal ac adsefydlu arbenigol wrth weithio ochr yn ochr â chlinigwyr profiadol o fewn Gwasanaethau Gofal Comisiynu Arbenigol (SCS). 

Prif ddyletswyddau'r swydd

Mae’r tîm wedi’i leoli yn ardal canalog Denbigh  Bydd yr ymgeisydd a benodir yn dal llwyth achosion ac yn gweithredu fel cydlynydd Gofal o dan Fframwaith Mesurau Iechyd Meddwl (Cymru), yn darparu  gwasanaethau sy’n canolbwyntio ar adsefydlu ar gyfer defnyddwyr gwasanaeth  o fewn unedau adsefydlu cleifion mewnol y GIG, lleoliadau y Tu Allan i’r Ardal megis ysbytai annibynnol, unedau diogelwch isel, lleoliadau arbenigol a hefyd yn y gymuned.

Nod y tîm yw rhoi ffocws ar ddychwelyd defnyddwyr gwasanaethau yn ôl i’w hardal gartref, a hefyd darparu adsefydlu cymunedol dwys i alluogi Defnyddwyr Gwasanaeth ag Anghenion Emosiynol Cymhleth a/neu Anghenion Adsefydlu Cymhleth i aros yn eu hardal leol.

Mae’r swydd hon yn agored i ymarferwyr cofrestredig profiadol fel Nyrsys Iechyd Meddwl a Gweithwyr Cymdeithasol sy’n bodloni gofynion y swydd.

Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.