Trosolwg o'r swydd

Rydym yn chwilio am Therapydd Galwedigaethol Arbenigol brwdfrydig ac egnïol i ymuno â'n Gwasanaeth Niwro-ddatblygiadol i Blant arloesol. Bydd yr ymgeisydd llwyddiannus yn chwarae rôl allweddol wrth ddarparu asesiadau diagnostig a chymorth am gyfnod penodol i blant a phobl ifanc awtistig ar draws Bwrdd Iechyd Prifysgol Hywel Dda.

Tîm amlddisgyblaethol bach, cyfeillgar a chefnogol yw ein Gwasanaeth Niwroddatblygiadol, sy’n cynnwys gweithwyr proffesiynol ymroddedig sy’n rhannu gweledigaeth gyffredin o wella canlyniadau i blant a phobl ifanc awtistig, a’u teuluoedd.

Bydd yr ymgeisydd delfrydol yn meddu ar y canlynol:

· Diddordeb cryf amlwg mewn awtistiaeth a niwrowahaniaeth.

· Brwdfrydedd gwirioneddol dros gefnogi plant a phobl ifanc niwrowahanol.

· Profiad o waith cydweithredol ac amlddisgyblaethol.

· Ymrwymiad i wella canlyniadau i blant, pobl ifanc a theuluoedd.

· Sgiliau cyfathrebu, trefnu a rhyngbersonol rhagorol.

· Y gallu i ffynnu mewn amgylchedd prysur a rheoli gofynion cystadleuol yn effeithiol.

· Brwdfrydedd amlwg dros ddatblygu gwybodaeth a sgiliau arbenigol yn y gwasanaethau niwroddatblygiadol.

Mae hwn yn gyfle gwych i ymuno â thîm brwdfrydig sydd wedi ymrwymo i arloesi, cydweithio a darparu cymorth ystyrlon i blant a phobl ifanc niwrowahanol ledled Gorllewin Cymru.

Prif ddyletswyddau'r swydd

Bydd deiliad y swydd yn gweithio fel Ymarferydd annibynnol yn y gwasanaeth Niwroddatblygiadol gan gynnal asesiadau diagnostig medrus ac ymyriadau ôl-ddiagnostig am gyfnod penodol, a gan reoli’r broses o ryddhau plant a phobl ifanc ag Anhwylderau ar y Sbectrwm Awtistig. Bydd yn rheoli llwyth achosion sy’n cynnwys anhwylderau datblygiadol, ymddygiadol a chyfathrebu cymhleth, problemau iechyd meddwl a phontio o’r gwasanaethau plant.

Bydd deiliad y swydd yn gyfrifol am gynllunio, trefnu a gweithredu darpariaeth therapi galwedigaethol arbenigol iawn yn y Gwasanaeth Niwroddatblygiadol Plant, gan weithio’n agos gydag Arweinydd y Tîm a’r Arweinydd Clinigol i sicrhau y darperir gwasanaeth effeithiol, sy’n seiliedig ar dystiolaeth a’i fod yn cael ei werthuso gan ddefnyddio mesurau canlyniadau. Bydd deiliad y swydd yn cefnogi Arweinydd y Bwrdd Iechyd ar gyfer ASD i weithredu a monitro Polisïau Cenedlaethol a Lleol, gan gynnwys rhai NICE a dogfennau arfer da eraill, ac yn cyfrannu at ddatblygu deunydd hyfforddi/addysgol a darparu hyfforddiant arbenigol neu weithdai addysgol sy’n ymwneud ag Awtistiaeth a Niwroamrywiaeth. Bydd gofyn hefyd gweithio ochr yn ochr ag Adrannau Therapi Galwedigaethol eraill yn y sefydliad.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu