Trosolwg o'r swydd

Mae Gwasanaeth Deintyddol Cymunedol Gogledd Cymru ar hyn o bryd yn cynnig cyfle i Addysgwr Iechyd Deintyddol ymuno â thîm Hyrwyddo Iechyd Deintyddol Gogledd Cymru.  

Bydd y person sy’n cael y swydd yn allweddol wrth gyflwyno’r rhaglenni Gwên am Byth a Gwên Wen ar gyfer oedolion bregus.  

Bydd y swydd yn cynnwys gweithio mewn partneriaeth â chartrefi gofal ac asiantaethau eraill sy’n gyfrifol am ofal oedolion bregus.  

Mae gallu siarad Cymraeg yn ddymunol ar gyfer y swydd hon; mae siaradwyr Saesneg a/neu Gymraeg yn cael croeso i wneud cais yn gyfartal.

Prif ddyletswyddau'r swydd

• Gweithredu pob agwedd ar y rhaglen/rhaglenni Hybu Iechyd y Geg a neilltuir o fewn ardal ddynodedig, dan gyfarwyddyd y Rheolwr Hybu Iechyd y Geg
• Dealltwriaeth eang o holl elfennau’r Rhaglen/Rhaglenni Hybu Iechyd y Geg a bennwyd, a rolau a chyfrifoldebau pob un o’r prif bartneriaid
• Hyfforddi gweithwyr proffesiynol eraill (er enghraifft, ym maes addysg, iechyd a gofal cymdeithasol), i roi negeseuon Iechyd y Geg yn unol â’r rhaglen Hybu Iechyd y Geg a neilltuir.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.