Trosolwg o'r swydd

Mae’r swydd hon am gyfnod penodol/secondiad am Hydref 2027 oherwydd cyfnod mamolaeth 

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.  

Mae cyfle cyffrous wedi codi i fferyllydd clinigol brwdfrydig ac angerddol sydd â diddordeb brwd mewn gwasanaethau arennol i ymuno â'n tîm fferylliaeth integredig sy'n ehangu.Byddwch yn dod yn rhan o dîm unigryw mewn rol sy’n canolbwyntio’n fawr ar y claf. Byddwch yn gyfrifol am arwain a datblygu gwasanaethau fferylliaeth glinigol i gleifion sydd â chlefyd yr arennau ar draws y Gymuned Iechyd Integredig (CII) Canolog. 

Mae CII Canolog yn gofalu a chleifion sydd a chlefyd cronig yr arennau, gan gynnwys y rhai sydd angen triniaeth uwch, megis dialysis. Bydd yr ymgeisydd llwyddiannus yn rhoi cymorth i'r tîm amlddisgyblaethol sy'n darparu triniaeth fiolegol i'r cleifion hyn wrth fewnbynnu i newidiadau trawsnewidiol yn y modd y mae gofal yn cael ei ddarparu ar draws y GII Canolog.

Bydd yr ymgeisydd llwyddiannus yn Fferyllydd clinigol arbenigol gyda chymhwyster rhagnodi annibynnol neu'n gallu gweithio tuag at gymhwyster rhagnodi annibynnol. Byddwch yn gallu gweithio'n dda fel rhan o dîm sy'n seiliedig ar ward ac ar draws yr CII Canolog ehangach, gan ddarparu arweinyddiaeth ac arbenigedd clinigol i fferyllwyr a thechnegwyr eraill yn yr CII.

Prif ddyletswyddau'r swydd

Bydd yr ymgeisydd llwyddiannus yn cael ei gefnogi i ddatblygu cwmpas y rôl, gan gefnogi'r uned arennol, y Chwarter Brys a wardiau i adolygu cleifion â chlefyd yr arennau acíwt a chronig sy'n cael eu derbyn i'r ysbyty ac mewn lleoliadau cymunedol.
Mae'r uned arennol yng Nglan Clwyd yn trin cleifion sydd â graddau amrywiol o swyddogaeth arennol a'r rhai sydd angen triniaethau dialysis acíwt neu gronig. Bydd gennych rôl allweddol o fewn y tîm amlddisgyblaethol o feddygon, nyrsys arbenigol, dietegwyr a gweithwyr gofal iechyd proffesiynol perthynol eraill.

 Byddwch yn arwain ac yn rheoli meddyginiaethau cost uchel o fewn y gwasanaeth fferylliaeth arennol ac yn darparu gwybodaeth ariannol wedi’i gwerthuso yn unol ag anghenion yr adran.
Bydd yr ymgeisydd llwyddiannus yn elwa o weithio mewn adran drawsnewidiol a’n nod yw bod pob un o’n tîm fferylliaeth yn gwneud y gorau o’u potensial.

Mae'r tîm fferylliaeth wedi'u hintegreiddio'n agos i dîm amlddisgyblaethol ac mae cyfleoedd i gefnogi gyda datblygiadau canllaw, protocol a gwasanaeth ar draws Bwrdd Iechyd Prifysgol Betsi Cadwaladr.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.