Trosolwg o'r swydd

Mae gennym gyfle cyffrous i Brif Nyrs Iau llawn cymhelliant ymuno â’n Huned Gofal Argyfwng yr Un Dydd (SDEC) sy’n ehangu’n barhaus.

Byddwch yn rhan o dîm cefnogol, gwych o nyrsys a gweithwyr cymorth nyrsio, sy’n gweithio mewn amgylchedd prysur, cyflym lle na fydd unrhyw ddau ddiwrnod yr un peth. Mae’r rôl hon yn cynnig cyfleoedd ardderchog ar gyfer datblygiad proffesiynol a magu profiad gwerthfawr mewn lleoliad clinigol dynamig.

Mae Gofal Argyfwng yr Un Diwrnod (SDEC) yn galluogi cleifion sy’n oedolion â chyflyrau meddygol a llawfeddygol cyffredin i gael eu hasesu, eu diagnosio a’u trin ar yr un diwrnod. Dylai hyn alluogi’r claf wedyn i ‘gysgu gartref yn ei wely ei hun’ ac osgoi derbyniad diangen i’r ysbyty.

Mae cleifion yn cael eu cyfeirio at SDEC trwy eu meddyg teulu, Parafeddygon (Gwasanaeth Ambiwlans Cymru), yr adran Damweiniau ac Achosion Brys, neu drwy lwybr arall megis clinig cleifion allanol neu dîm arbenigol cymunedol.

Rydym yn croesawu ymgeiswyr sydd â diddordeb i ddod i edrych o gwmpas a chwrdd â’r tîm.

Mae’r swydd yn cwmpasu 7 diwrnod yr wythnos. Bydd disgwyliad am weithio cylchdroadol ar draws ein tîm meddygol acíwt yn yr Uned Penderfyniadau Clinigol Oedolion (ACDU).

Prif ddyletswyddau'r swydd

A chithau’n Brif Nyrs, byddwch yn chwarae rhan allweddol yn sicrhau gofal o safon, sy’n canolbwyntio ar y claf, yn ein Huned Gofal Argyfwng yr Un Diwrnod. Byddwch yn cefnogi gweithrediad diffwdan yr uned gan weithio’n rhan o dîm amlddisgyblaethol dynamig a chefnogol.

Bydd eich prif ddyletswyddau’n cynnwys:

·       Darparu arweinyddiaeth a chymorth clinigol i staff nyrsio a gweithwyr cymorth

·       Cydlynu llif cleifion i sicrhau eu hasesu, eu trin a’u rhyddhau yn amserol

·       Darparu gofal diogel, effeithiol a thosturiol i gleifion sy’n ddifrifol wael

·       Cefnogi a datblygu staff iau trwy oruchwylio a mentora

·       Cydweithio â’r tîm amlddisgyblaethol ehangach i sicrhau’r canlyniadau gorau i gleifion

·       Cynnal safonau uchel o ofal, diogelwch a dogfennaeth

·       Gosod esiampl, gan hyrwyddo diwylliant tîm cadarnhaol a rhagweithiol

Mae hwn yn gyfle gwych i ddatblygu eich sgiliau arwain mewn amgylchedd cyflym, gwerth chweil lle mae eich cyfraniad yn gwneud gwahaniaeth gwirioneddol.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 03/11/2026.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu