Trosolwg o'r swydd

Ydych chi'n uwch arweinydd nyrsio profiadol sydd â brwdfrydedd dros ddarparu ansawdd, diogelwch a phrofiad rhagorol i gleifion? Rydym yn chwilio am Gyfarwyddwr Cynorthwyol Nyrsio, Ansawdd a Diogelwch eithriadol. Gan adrodd i Gyfarwyddwr Bydwreigiaeth, Iechyd Menywod a Theuluoedd, Dirprwy Gyfarwyddwr Gweithredol Nyrsio (Ansawdd a Diogelwch), byddwch yn darparu arweinyddiaeth strategol a gweithredol ar draws y portffolio Ansawdd a Diogelwch, gan gynnwys diogelwch cleifion, profiad cleifion, pryderon, iawndal, hawliadau a gwasanaethau profedigaeth.

Bydd yr ymgeisydd llwyddiannus yn arwain rhaglenni gwella ansawdd, yn cefnogi arolygiadau rheoleiddio, yn goruchwylio trefniadau llywodraethu, ac yn sicrhau bod dysgu o ddigwyddiadau, cwynion ac adborth wedi'i ymgorffori ar draws y sefydliad. Byddwch yn gweithio ar y cyd â chydweithwyr gweithredol, clinigwyr a phartneriaid i yrru gwelliant parhaus a darparu'r safonau uchaf o ofal diogel, sy'n canolbwyntio ar y person.

Byddwch yn dangos arweinyddiaeth strategol gref, sgiliau cyfathrebu rhagorol a hanes profedig o arwain newid sefydliadol mewn amgylcheddau gofal iechyd cymhleth.

Mae hwn yn gyfle cyffrous i ddylanwadu ar ansawdd a diogelwch ar lefel y Bwrdd Iechyd cyfan, cyfrannu at gynllunio strategol. Os ydych chi wedi ymrwymo i ragoriaeth, arloesedd a gwella canlyniadau i gleifion, teuluoedd a chymunedau, byddem yn croesawu eich cais.

Prif ddyletswyddau'r swydd

Mae'r rôl hon yn cefnogi Cyfarwyddwr Bydwreigiaeth, Iechyd Menywod a Theuluoedd a Dirprwy Gyfarwyddwr Gweithredol Ansawdd a Diogelwch Nyrsio i gyflawni blaenoriaethau Ansawdd a Diogelwch y Bwrdd Iechyd. Mae deiliad y swydd yn darparu arweinyddiaeth strategol ar draws y portffolio Ansawdd a Diogelwch, gan gynnwys Profiad y Bobl, Gwasanaethau Profedigaeth, Pryderon, Iawndal a Hawliadau, gan sicrhau bod mentrau diogelwch cleifion yn cael eu cyflwyno, eu monitro a'u gwella'n barhaus. Maent hefyd yn darparu cyngor ac arweiniad arbenigol ar faterion cymhleth sy'n ymwneud ag Ansawdd a Diogelwch o fewn fframweithiau a threfniadau llywodraethu sefydledig. Yn ogystal, mae deiliad y swydd yn cymryd rhan yn rota aar alwad Aur y Bwrdd Iechyd fel aelod o'r uwch dîm arweinyddiaeth, gan gyfrannu at reoli materion gweithredol a sefydliadol yn ôl yr angen.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.