Trosolwg o'r swydd

Mae cyfle cyffrous wedi codi ar gyfer Rheolwr Tîm profiadol i ymuno â'r Tîm Iechyd Meddwl ac Anableddau Dysgu o fewn y Gwasanaeth Gofal Iechyd integredig yn CEF Berwyn.

Mae hwn yn gyfle cyffrous i ddod â'ch cofrestriad proffesiynol, profiad clinigol helaeth, ac arbenigedd o ran arweinyddiaeth i wasanaeth sy'n gwneud gwahaniaeth ystyrlon i fywydau unigolion yn lleoliad y carchar. Rydym yn chwilio am arweinydd llawn cymhelliant sy'n drugarog ac yn flaengar sydd â sgiliau cyfathrebu a threfnu ardderchog, ynghyd ag ymrwymiad cryf i gefnogi, datblygu, a grymuso staff.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Fel Rheolwr Tîm, byddwch yn rhoi arweinyddiaeth weladwy ac yn effeithiol i dîm amlddisgyblaethol, gan sicrhau bod gofal o ansawdd uchel, sy'n ddiogel ac sy'n canolbwyntio ar gleifion yn cael ei gynnig. Byddwch yn cyflawni rôl hollbwysig o ran rhoi cymorth gyda'r broses o drawsnewid gwasanaethau iechyd meddwl ac anableddau dysgu'n barhaus, gan sicrhau bod polisïau, gweithdrefnau ac arferion gweithredol yn parhau i gyd-fynd ag amcanion strategol, datblygiadau gwasanaeth, a safonau arfer gorau.

Bydd yr ymgeisydd llwyddiannus yn arwain y  broses o roi dulliau arloesol ac sy'n seiliedig ar dystiolaeth ar waith, gan feithrin diwylliant o wella, dysgu, a datblygiad proffesiynol parhaus. Byddwch yn cynnal presenoldeb gweladwy a hawdd mynd atoch o fewn y gwasanaeth, gan roi arweiniad, cymorth, a chyngor arbenigol i staff gan hybu amgylchedd gwaith cadarnhaol, cynhwysol, a thrugarog.

Rydym yn chwilio am arweinydd profiadol a deinamig sy'n gallu dod ag arbenigedd a brwdfrydedd i'r rôl heriol a gwerth chweil hon. Byddwch yn rhoi cymorth i'r tîm o ran cyflawni'r safonau uchaf o ran gofal trwy lywodraethu clinigol effeithiol, dulliau cadarn o ran rheoli risg, sicrwydd ansawdd, a mentrau gwella gwasanaethau. Trwy annog arloesi, atebolrwydd, a chydweithio, byddwch yn helpu i sicrhau bod modd darparu gwasanaethau sy'n ddiogel, yn effeithiol ac sy'n canolbwyntio ar adferiad sy'n gwella canlyniadau i'r unigolion sydd yn ein gofal.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.