Trosolwg o'r swydd

Mae HMP Berwyn yn cael ei ddatblygu gyda diwylliant adsefydlu cadarn wrth ei wraidd.  Y gwerthoedd allweddol sy'n cael eu hymgorffori ym mhob ardal yw gwerthfawrogi ein gilydd a dathlu cyflawniadau, gweithredu'n onest a siarad y gwir bob amser, edrych i'r dyfodol gydag uchelgais a gobaith, cadw at degwch a chyfiawnder ym mhopeth a wnawn, cofleidio diwylliant Cymreig a'r iaith Gymraeg ac i ddal ati!

Fel rhan o'r Tîm Gofal Iechyd, byddwch yn rhoi gofal iechyd i'r rhai sydd yn y ddalfa, gan weithio'n hyblyg i ddiwallu anghenion cyfnewidiol y gwasanaethau ar draws Gofal Cychwynnol, Gwasanaethau Integredig Camddefnyddio Sylweddau ac Iechyd Meddwl. Byddwch hefyd yn cyfrannu at raglen ddatblygu benodol i sicrhau bod safonau uchel o ofal cleifion yn cael eu cynnal, gan feithrin cydberthnasau gwaith effeithiol â HMPPS, cydweithwyr yn y carchar a rhanddeiliaid eraill.

Prif ddyletswyddau'r swydd

Mae'r swydd hon yn allweddol i ddatblygu a darparu gwasanaethau iechyd a lles o ansawdd uchel wedi'u seilio ar dystiolaeth er mwyn i garcharorion fanteisio ar ymyriadau a chymorth sy'n gyfartal i'r rhai a ddarperir gan y GIG yn y gymuned

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.