Trosolwg o'r swydd

Ydych chi'n edrych i wneud y gwahaniaeth go iawn ym mywydau pobl eraill drwy ddarparu gofal eich ffordd chi?

Wrth ymuno â'r Nyrsys Ardal ym Mhowys byddwch yn gallu gweithio'n annibynnol ar draws lleoliad gwledig ysblennydd i ddarparu amrywiaeth o ofal nyrsio sy'n creu newid gwirioneddol ym mywydau’r gymuned.  Byddwch yn rhan o rywbeth arbennig.

Hysbysebir y swydd hon fel Band 6, ond anogir ymgeiswyr nad ydynt ar hyn o bryd â'r holl gymwyseddau angenrheidiol i lefel Band 6 i wneud cais ac, os yn llwyddiannus, byddant yn cael eu penodi dan reolau Atodiad 21 lle bydd 75% o frig Band 6 yn daladwy yn ystod y 12 mis cyntaf neu nes bod cymwyseddau Band 6 wedi'u cwblhau.  

Prif ddyletswyddau'r swydd

Mae hwn yn gyfle delfrydol i nyrs gofrestredig sydd eisiau ehangu ei hystod o sgiliau a’i gwybodaeth am nyrsio pobl yn eu hamgylchedd eu hunain fel rhan o dîm amlddisgyblaeth. Bydd deiliad y swydd yn cymryd rhan mewn darparu gofal nyrsio medrus, annibynnol i gleifion yn eu cartrefi eu hunain. Mae dyletswyddau’n cynnwys asesiad a chefnogaeth gofal lliniarol, gofal ar ddiwedd oes, cefnogi ac asesu unigolion a gofalwyr â chyflyrau iechyd tymor hir, hybu sgiliau hunanreoli a gofalu am friwiau.

Byddem yn croesawu ceisiadau gan siaradwyr Cymraeg yn arbennig; ond hyd yn oed os nad ydych chi'n siarad unrhyw Gymraeg, neu os ydych chi eisiau datblygu eich sgiliau, peidiwch â phoeni; bydd y bwrdd iechyd yn eich cefnogi gyda hyfforddiant.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.