Trosolwg o'r swydd

A ydych chi’n credu’n gryf mewn gweithio gyda phobl ifanc i sicrhau y cânt bwrpas, strwythur a mwynhad yn eu bywyd?

Rydym yn chwilio am Gydlynydd Gweithgareddau i ddod yn rhan o dîm NWAS ac ymgymryd â rôl allweddol i wella lles ac adferiad defnyddwyr ein gwasanaeth. Mae’r rôl yn allweddol i’n galluogi i greu amgylchedd calonogol yn y ward trwy gynllunio a rhedeg ystod eang o weithgareddau ystyrlon sy’n helpu i leddfu diflastod ac annog ymgysylltu, ac annog pobl ifanc i gyfranogi yn y gweithgareddau. 

Byddwch yn gweithio’n bennaf gyda defnyddwyr y gwasanaeth, yn eu cynorthwyo trwy gyfrwng gweithgareddau hamdden creadigol a therapiwtig, a byddwch hefyd yn aelod allweddol o dîm ehangach y Ward, yn cyfrannu at ofal cyfannol sy’n canolbwyntio ar yr unigolyn.

Prif ddyletswyddau'r swydd

Os ydych chi:

·         Yn gallu cynnig egni, brwdfrydedd ac agweddau cadarnhaol

·         Yn gallu ennyn diddordeb pobl ifanc trwy ddulliau creadigol a hyblyg

·         Yn mwynhau cydweithredu â defnyddwyr gwasanaethau a chydweithwyr

·         Yn gallu addysgu gweithgareddau i ddiwallu anghenion amrywiol pobl ifanc sydd â galluoedd amrywiol

…byddai’n dda gennym gael ymateb gennych chi.

Mae hwn yn gyfle gwerth chweil i wneud gwahaniaeth go iawn i brofiadau beunyddiol pobl ifanc a’u hadferiad.

Amdanom ni:

Mae Ward Cudyllog yn Uned Gyffredinol ar gyfer Cleifion Mewnol sy’n cynnig 12 o welyau i bobl ifanc o ardaloedd Gogledd Cymru a Gogledd Powys. Rydym yn ymrwymo i barhau i ddatblygu ein gwasanaeth i gynnig gofal rhagorol a chydweithredol trwy gydweithio â defnyddwyr ein gwasanaeth, trwy gyfranogi mewn gweithgareddau, adfer a chael adborth ynghylch profiadau defnyddwyr y gwasanaeth.

I gael rhagor o wybodaeth, cysylltwch â Derbynfa NWAS trwy ffonio 03000 850056 a gofynnwch am gael siarad ag aelod o Dîm Rheoli’r Ward.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.