Trosolwg o'r swydd

Mae’r swydd hon am Gyfnod penodol/Secondiad am 19 mis i cwrdd gofynion y gwasanaeth.

Swydd Gwynedd ac Ynys Mon: Gwasanaeth Iechyd Meddwl Plant a Phobol Ifanc – Gorllewin/Gwasanaeth Be Di’r Sgor

Bydd deiliad y swydd yn rhoi arweinyddiaeth fel Ymarferydd Achosion sy'n Cyd-ddigwydd Cymunedol Arbenigol gan weithio'n agos gyda'r Timau Iechyd Meddwl Plant a Phobl Ifanc a Gwasanaethau Camddefnyddio Sylweddau Pobl Ifanc yr ardal, er mwyn datblygu llwybr ar gyfer achosion sy'n cyd-ddigwydd mewn gwasanaethau'r cynghorau lleol. Bydd yn gweithio gyda'r tîm amlddisgyblaethol er mwyn rhoi Llwybr Fframwaith Achosion sy'n Cyd-ddigwydd ar waith, a'i fonitro a'i reoli ar draws CAMHS a Gwasanaethau Camddefnyddio Sylweddau Plant a Phobl Ifanc.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Prif ddyletswyddau'r swydd

Bydd gan ddeiliad y swydd gyfrifoldeb i gynnal llwyth gwaith clinigol a fydd yn cynnwys gosod a chadw safonau clinigol o fewn y fframwaith llywodraethu, cymell ac arwain aelodau o wasanaethau CAMHS a SMS i gyrraedd targedau clinigol, iechyd a fframwaith achosion sy'n cyd-ddigwydd penodol. Bydd amser wedi'i neilltuo ar gyfer gwasanaethau CYPSMS, gan sicrhau hyblygrwydd ar draws y ddau wasanaeth i fynd i'r afael ag anghenion a galw. Bydd hwn yn ddull synnwyr cyffredin, gan gynnwys rhaniad o 50/50 neu 60/40 ar draws y gwasanaethau. Cytunir ar hyn yn lleol a chaiff ei adolygu fel y bo angen.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.