Trosolwg o'r swydd

Mae Tîm Gofal Iechyd Parhaus y Canolbarth yn Parc Menai, Bangor yn chwilio am unigolyn profiadol i ymuno â'n tîm prysur a deinamig.

Bydd angen i chi fod yn llawn cymhelliant a mwynhau cydlynu a chyfathrebu ag ystod eang o bobl.

Dylech fod yn hynod drefnus, yn hyderus i weithio ar eich pen eich hun neu fel rhan o dîm; yn meddu ar sgiliau rhyngbersonol a chyfrifiadurol ardderchog.

Cynorthwyo Gweinyddydd y Tîm GIP gyda phob agwedd o weinyddiaeth sy'n  ymwneud â Gofal Iechyd Parhaus y GIG (GIP), Gofal Nyrsio Cofrestredig am  ddim (FNC), rhyddhau o ysbytai ac oediadau trosglwyddo gofal ac unrhyw gynlluniau sy'n gysylltiedig â GIP/ceisiadau GIP e.e. pryniadau sbot. 

Darparu gwasanaethau gweinyddol lefel uchel, cyfrinachol, cynhwysfawr ac  effeithiol i gefnogi'r Tîm GIP i hwyluso darparu gwasanaeth yn gywir ac mewn  modd amserol i gwblhau eu cyfrifoldebau statudol a rheolaethol ar draws yr  Uwch Adran. 

Prif ddyletswyddau'r swydd

Gweithredu fel y pwynt cyswllt cyntaf i bob atgyfeiriad/ymholiad i'r Tîm GIP  Sicrhau bod pob cyfathrebiad gyda'r cyhoedd, staff ac asiantaethau eraill yn cael eu trin yn gyfrinachol ac yn broffesiynol er mwyn cynorthwyo i gyflawni gwasanaeth o safon uchel.

 Arddangos sgiliau cyfathrebu ardderchog ac uwch gyda materion cyfrinachol, megis anghydfodau neu gwynion wrth ddelio â galwadau ffôn/gohebiaeth gan  aelodau'r cyhoedd, cyfreithwyr, AS, staff proffesiynol iechyd, uwch reolwyr y  GIG, awdurdodau lleol a sefydliadau heb fod yn rhai GIG ac yn absenoldeb  Rheolwyr/Metron GIP, cyfeirio at yr unigolyn/adran briodol.

Cymryd negeseuon ffôn yn absenoldeb y Tîm GIP ac os oes angen, cyfeirio'r sawl sy'n galw at yr unigolyn cywir a all eu helpu. Monitro a sicrhau bod yr wybodaeth canlyniadau panel cywir yn cael ei throsglwyddo i'r adran gyllid drwy gysylltu â chartrefi nyrsio/ffurflenni misol ynglŷn ag unrhyw newid mewn cyllid/llety ac ati (Cleifion wedi marw, cleifion newydd, diwygiadau).

Mae’r gallu i siarad Cymraeg yn ddymunol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.