Trosolwg o'r swydd

Mae gan Adran Data, Digidol a thechnoleg gyfle ar gyfer swydd banc,  gradd 2 ar gyfer Trinwyr Galwadau/Gweithredwyr Bwrdd Trosglwyddo yn ystod y Nosweithiau a'r Dyddiau yn Ysbyty Gwynedd.

I weithio fel rhan o dîm sy’n darparu gwasanaeth bwrdd trosglwyddo cynhwysfawr ac o ansawdd uchel i Fwrdd Iechyd Prifysgol Betsi Cadwaladr, 24 awr y dydd, 7 diwrnod yr wythnos.

Prif ddyletswyddau'r swydd

Blipio galwadau pell, gan roi gwybodaeth rhifol a llafar, gan aros am ymateb a rhoi'r sawl sy'n galw drwodd i adran fel y gofynnir, os nad oes unrhyw ymateb, monitro'r sefyllfa gan weithredu'n addas.

Cynnal y gweithdrefnau brys amrywiol ar gyfer ataliadau'r galon, tân, digwyddiadau mawr, ymosodiadau personol ayyb. a chynnal cofnodion yn unol â chyfarwyddiadau/triniaethau gweithredol.

Ailosod batris ar gyfer derbynyddion galwadau mewnol, trefnu galwadau newydd os ydynt yn ddiffygiol a darparu cyfarwyddiadau i ddeilwyr blîp ar ddefnydd cywir.

Mae'r gallu i siarad Cymraeg yn hanfodol ar gyfer y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.