Trosolwg o'r swydd

Gweithio'n agos gyda'n Gwasanaeth Cofnodion Iechyd i gyflawni amcanion penodol i sicrhau bod polisïau a gweithdrefnau yn cael eu dilyn yn unol â'r canlynol; Rheoliad Diogelu Data Cyffredinol (GDPR) 2018, Deddf Diogelu Data 2018, Deddf Mynediad at Gofnodion Iechyd 1990, a Gweithdrefn Rheoli Cofnodion Iechyd BIPBC.

Prosesu ceisiadau mynediad pwnc o'r dechrau i'r diwedd a dderbynnir yn y Gwasanaeth Mynediad Canolog i Gofnodion Iechyd (ATHR) gan sicrhau y glynir at ofynion deddfwriaethol yn unol â'r gweithdrefnau ATHR. Sicrhau bod unrhyw oedi yn cael ei gyfeirio yn briodol mewn modd amserol er mwyn galluogi cydymffurfio â'r amserlen ddeddfwriaethol.

Prif ddyletswyddau'r swydd

Yn gyfrifol am 'brosesu' yr holl ddogfennau cysylltiedig ynghylch priodoldeb ceisiadau; sicrhau bod caniatâd priodol a gwiriadau adnabod yn eu lle; a bod prosesau yn gyson, yn dryloyw ac yn cydymffurfio yn gyfreithiol.

Cefnogi'r gwaith o reoli'r broses sicrhau ansawdd i sicrhau bod yr holl ymatebion a ddarperir yn cydymffurfio â deddfwriaeth, e.e. comingling, redaction, trydydd parti, cymhwyso eithriadau.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.