Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS OHERWYDD CYLLIDO.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

MAE HON YN SWYDD HYFFORDDI TYMOR PENODOL 2 FLYNEDD.

Mae cyfle cyffrous ar gael i ddod yn rhan o’r llwybr gyrfa Awdioleg y GIG fel Ymarferydd Cyswllt mewn Awdioleg. Byddai hyn yn gweddu’n arbennig i raddedigion gwyddoniaeth sydd eisiau defnyddio gwyddoniaeth wrth ofalu’n uniongyrchol am eraill. Bydd swyddi unigol yn Wrecsam, Bodelwyddan, Welshpool a Bangor, o fewn adrannau Awdioleg cefnogol sy’n gyfarwydd â darpariaeth hyfforddiant ar y lefel hon. Bydd unigolion yn cwblhau Tystysgrif mewn Addysg Uwch mewn Ymarfer Awdiolegol Sylfaenol drwy ryddhau mewn bloc ym Mhrifysgol Abertawe. Er hynny, bydd y rhan fwyaf o’r hyfforddiant yn cael ei ddarparu yn y lleoliad clinigol, gan gefnogi ystod o weithgareddau clinigol, ond yn gofalu am gleifion sy’n oedolion yn yr ysbyty yn bennaf. Rhagwelir y bydd rhagolygon cyflogaeth yng Nghymru yn addawol ar gyfer y rhai sy’n cwblhau’r cynllun hyfforddi. Mae llwybrau gyrfaol wedi ei datblygu i fynychu y camau nesf i rolau fel Awdiolegwyr, ar gyfer yr unigolion hynny sydd â chymhwyster ac ymrwymiad i wneud hynny. Mae gwybodaeth bellach am Awdioleg a’r cynllun hyfforddi ar gael yn y ddogfen ynghlwm. 
Disgwylyr i’r ymgeisydd llwyddianus ceiso am swyddi yn gwasanaethau Awdioleg yng Ghymru ar diwedd y swydd 2 flynedd.

Prif ddyletswyddau'r swydd

Bydd y rôl hon yn cynnwys perfformio asesiadau clyw a chynorthwyo i ddatblygu cynlluniau gofal/rheoli unigol cleifion sydd â nam ar y clyw.  Yr amcan clinigol cyffredinol fydd ymyrryd i fodloni anghenion cymdeithasol a chyfathrebu cleifion.

Bydd disgwyl i ddeilydd y swydd ddangos dyfarniad clinigol fel mater o drefn ar ystod o ffeithiau clinigol neu senarios, sy'n gofyn am ddadansoddiad a chymharu/dewis opsiynau rheoli.  Ar wahân i ddarpariaeth hyfforddiant ffurfiol, bydd goruchwyliaeth a mentora clinigol yn hygyrch yn ystod yr amserlen arferol o'r diwrnod gwaith.

Bydd disgwyl i ddeilydd y swydd ddefnyddio sgiliau gwyddonol/dadansoddol hefyd o fewn rôl gan gefnogi gweithgaredd archwilio a datblygiad yn y gwasanaeth. 

Bydd deilydd y swydd yn cwblhau cwrs Awdioleg 18 mis, a rhaglen hyfforddiant mewn swydd cysylltiedig a fydd yn adeiladu ar ei wybodaeth a'i sgiliau gwyddonol generig presennol.  Bydd yn gweithio i brotocolau a gytunwyd arnynt yn lleol ac yn genedlaethol.   Bydd y cwrs yn darparu profiad mewn ymyriadau gyda phatholegau/anableddau clyw arferol/ nad ydynt yn gymhleth i gleifion o bob oed, ond gyda phwyslais penodol ar ddatblygu sgiliau mewn profion clyw, gosod cymhorthion clyw ac elfennau eraill o adsefydlu oedolion.

Bydd deilydd y swydd yn gweithio'n agos gyda'r cydlynydd/swyddog hyfforddiant a mwy o aelodau o staff uwch, goruchwylwyr a mentoriaid i ddilyn y cwricwlwm ar gyfer y Rhaglen Hyfforddiant Awdioleg.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.