Trosolwg o'r swydd

Mae Canolfan Trin Canser Gogledd Cymru yn dymuno recriwtio Radiograffydd Therapi brwdfrydig, cymwys a phrofiadol i swydd Arolygwr Triniaeth 8a.

 Rhaid i ymgeiswyr fod wedi ymrwymo i wella ansawdd gwasanaethau clinigol, ysgogi a datblygu staff i'w galluogi i ymateb yn ddeinamig i newid. Bydd cyfle gennych i ddylanwadu ar y gwasanaeth a'i ddatblygu gan weithio mewn amgylchedd cydweithredol.

 Rydym yn chwilio am berson deinamig, galluog sydd â galluoedd arweinyddiaeth profedig. Bydd angen sgiliau cyfathrebu a rhyngbersonol rhagorol arnoch ynghyd â phrofiad o reoli staff a rhaid i chi fod wedi cofrestru gyda'r Cyngor Proffesiynau Iechyd a Gofal. Mae gwybodaeth am egwyddorion ac arferion radiotherapi modern a gafwyd trwy ymarfer ôl-raddedig helaeth ac a ategir gan ddatblygiad proffesiynol parhaus yn hanfodol.

Mae gan yr adran 4 Cyflymydd Llinol Varian (3 Truebeam, 1 Varian iX) ac mae ar fin cael cyfnod o ailosod peiriannau. Yn ogystal, mae Uned Orthofoltedd Gulmay, Sganiwr Cynllunio CT Canon, Prosoma, ac Eclipse TPS, gyda systemau radiotherapi dan Arweiniad Arwyneb ar bob Truebeam.

 Mae'r adran yn gweithio diwrnod estynedig a byddai disgwyl i ddeiliad y swydd weithio'n hyblyg rhwng 08:00 a 18:30 i ddiwallu anghenion gweithredol y gwasanaeth a chymryd rhan yn y rota ar alwad. Yr oriau craidd yw rhwng 08:30-16:30.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Prif ddyletswyddau'r swydd

Bydd deilydd y swydd yn:

• Arwain y timau triniaeth, ac yn gyfrifol am drefnu’r gwasanaeth triniaeth radiotherapi o ddydd i ddydd, a’i reoli. 
• Bod yn gyfrifol am sicrhau bod gwasanaeth sy'n canolbwyntio ar y claf yn cael ei gynnal, gan sicrhau cyswllt agos â staff meddygol a gweithwyr iechyd eraill, yn yr amgylchedd uniongyrchol ac yn allanol.
• Gweithredu fel rheolwr llinell ar gyfer staff sy'n gweithio yn ardal y driniaeth, a chymryd cyfrifoldeb cyffredinol am hyfforddi a goruchwylio'r holl staff a myfyrwyr sy’n gweithio yn ardal y driniaeth.
• Bod yn gyfrifol am ddatblygiad teclynnau ar gyfer monitro triniaethau radiotherapi a'u harchwilio, yn cynnwys cofnodi morbidrwydd oherwydd sgil effeithiau radiotherapi. 
• Gweithio fel uwch aelod o'r tîm gweithredu radiotherapi, gan gynnal gallu i gynnal technegau triniaeth cywir a chyson, yn unol â rheoliadau statudol sy'n ymuned ag ymbelydredd ïoneiddio
• Bod yn aelod allweddol o dîm amlddisgyblaethol mawr, a chynghori ar gyfanswm gofal cleifion sy'n cael triniaeth radiotherapi.
• Ymddwyn fel eiriolwr cleifion.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.