Trosolwg o'r swydd

 Mae'r swydd hon yn un cyfnod penodol/ail-leoliad tan 31 Mawrth 2027 oherwydd natur y gwasanaeth.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Rôl yr Olrheinydd Llwybr yw darparu cefnogaeth weinyddol gynhwysfawr i'r Gyfarwyddiaeth Meddygaeth drwy gasglu, cofnodi, dadansoddi, dehongli ac adrodd ar ddata sydd ei angen i fonitro cydymffurfiaeth â thargedau blynyddol Amser Atgyfeirio i Driniaeth (RTT) a'r Fframwaith Gwasanaeth a Chyllid Llywodraeth Cynulliad Cymru. Yn gyfrifol am gofnodi llwybr cyfan y claf ar WPAS yn gywir ac yn amserol. Mae'r rôl yn cynnwys bod yn aelod annatod o'r tîm Rheoli Meddyginiaethau gan gydlynu, trefnu a mynychu cyfarfodydd. Mae'r Olrheinydd Llwybr yn adolygu cynnydd y cleifion drwy'r llwybr gofal a gwasanaethau craidd megis cofnodion iechyd, radioleg a phatholeg. Mae'r llwybr hwn o fewn ac yn allanol i'r Sefydliad ac mae'n cynnwys cysylltu â'r adrannau sy'n ymwneud â darparu gofal a gwasanaethau craidd, gan sicrhau bod triniaeth cleifion a gynlluniwyd yn mynd rhagddi'n esmwyth ac mewn modd amserol. Yn cymryd camau'n rhagweithiol i sicrhau bod llwybr diagnostig a thriniaeth y cleifion yn cael ei gyflawni ar y targed.

Prif ddyletswyddau'r swydd

Cyfathrebu ag aelodau clinigol ac anghlinigol y tîm gofal iechyd er budd gofal cleifion e.e. trefnu apwyntiadau neu gyfeiriadau at eraill o fewn neu y tu allan i'r Bwrdd Iechyd e.e. adrannau eraill mewn sefydliadau eraill. 

Rhaid meddu ar y sgiliau i gwestiynu oediadau ar lwybrau triniaeth cleifion, gan ddefnyddio doethineb a diplomyddiaeth i sicrhau cydymffurfiad â llwybrau a pholisi uwch gyfeirio. 

Sicrhau bod cynnydd y claf drwy'r llwybr yn cael ei reoli'n arfaethedig a rhagweithiol, rhaid i unrhyw bryderon sy'n ymwneud ag e.e. amseroedd aros ac amserlenni triniaeth, gael eu cyfathrebu i'r staff perthnasol neu'r gwasanaethau clinig a lle bo angen, bydd gofyn i ddeilydd y swydd ddefnyddio sgiliau trafod a darbwyllo i wella'r elfen hon o'r llwybr. 

Ymdrin ag ymholiadau ffôn, personol ac eraill mewn modd amserol, proffesiynol ac effeithiol, gall ymholiadau fod gan adrannau clinigol, gweithwyr proffesiynol gofal iechyd neu gleifion. 

Cymryd cyfrifoldeb personol am gydlynu gweinyddiaeth a dilyniannu'r llwybr clinigol ar gyfer ystod o gleifion (o bosibl oddeutu 200 claf ar unrhyw adeg), ar wahanol gyfnodau eu taith ysbyty. 

Cyfathrebu’n effeithiol, ar lafar ac yn ysgrifenedig e.e. e-bost, systemau gwybodaeth, cyfathrebu'n uniongyrchol â chydweithwyr clinigol/ nad ydynt yn glinigol ac apwyntiadau eraill. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.