Trosolwg o'r swydd

Cyfle i fand 6 BMS profiadol i gefnogi gwasaneth Haematoleg & Trallwysiad 24/7.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Prif ddyletswyddau'r swydd

Fel Gwyddonydd Biofeddygol bydd disgwyl i ddeilydd y swydd weithio o fewn y safonau proffesiynol disgwyliedig gan un wedi cofrestru gyda’r Cyngor Proffesiynau Iechyd (HPC) a chynnal portffolio o dystiolaeth sy’n cefnogi Datblygiad Proffesiynol Parhaol (CPD).  

Bydd dyletswyddau Gwyddonydd Biofeddygol yn cynnwys gwneud ystod o weithdrefnau gwyddonol sy’n golygu prosesu samplau biofeddygol i gyfrannu at wneud diagnosis o glefydau, eu trin a'u monitro ac ymchwilio i brosesau patholegol.

Bydd gofyn i ddeilydd y swydd gydymffurfio â gweithdrefnau gweithredol safonol a gytunwyd, polisïau ac arfer da labordy a hefyd i weithio o fewn dyletswyddau eu gwaith, cydymffurfio â safonau angenrheidiol Achrediad Patholeg Glinigol (y D.U.) a chyrff proffesiynol a deddfwriaethol perthnasol eraill (e.e. H.T.A., B.S.Q.R.).

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.