Trosolwg o'r swydd

Mae cyfle cyffrous wedi codi ar gyfer fferyllydd brwdfrydig a llawn cymhelliant i ymuno â'r timau Dermatoleg a Fferylliaeth yng Nghymuned Iechyd Integredig (IHC) y Canol fel Uwch Fferyllydd ym maes Dermatoleg.

Gan weithio'n agos gyda'r tîm dermatoleg amlddisgyblaethol, bydd deilydd y swydd yn cynnig arbenigedd fferyllol arbenigol i ategu defnydd sy'n ddiogel, yn effeithiol ac sy'n seiliedig ar dystiolaeth o ran meddyginiaethau i gleifion sydd â chyflyrau dermatolegol. Bydd y rôl yn cynnwys rhoi cymorth o ran defnyddio therapïau arbenigol ac uwch, gan gynnwys meddyginiaethau biolegol a meddyginiaethau sy'n cael eu darparu trwy wasanaethau gofal cartref.

Mae hwn yn gyfle ardderchog i ddatblygu arfer arbenigol ac uwch ym maes dermatoleg ac i helpu i lunio gwasanaeth fferylliaeth sy'n esblygu. Bydd yr ymgeisydd llwyddiannus yn gweithio ochr yn ochr â chydweithwyr ym maes dermatoleg i roi cymorth o ran gofal ar gyfer cleifion, optimeiddio meddyginiaethau, gwella gwasanaethau a datblygu llwybrau triniaeth diogel ac effeithiol.

Rydym yn chwilio am fferyllydd llawn cymhelliant sydd â sgiliau clinigol, cyfathrebu a gwaith amlddisgyblaethol cryf a brwdfrydedd dros ddatblygu eu harbenigedd ym maes dermatoleg.

Prif ddyletswyddau'r swydd

Bydd deilydd y swydd yn darparu gwasanaeth fferylliaeth clinigol uwch ym maes dermatoleg, gan gydweithio â'r tîm amlddisgyblaethol i optimeiddio defnydd o feddyginiaethau ac i roi cymorth o ran gofal o ansawdd uchel sy'n canolbwyntio ar gleifion.

Bydd y rôl yn cynnwys rhoi cyngor fferyllol arbenigol ar driniaethau dermatolegol, gan roi cymorth o ran defnyddio meddyginiaethau arbenigol, cost uchel a gofal cartref yn ddiogel ac yn effeithiol, a chan gyfrannu at fonitro ac adolygu cleifion sy'n derbyn triniaeth.

Bydd deilydd y swydd yn cyfrannu at ddatblygu a gweithredu canllawiau, llwybrau a gwelliannau gwasanaeth sy'n ymwneud â meddyginiaethau, gan ystyried canllawiau cenedlaethol ac arfer yn seiliedig ar dystiolaeth. Bydd hefyd yn rhoi cymorth gydag addysg a hyfforddiant, archwilio, gwella ansawdd a llywodraethu meddyginiaethau ym maes dermatoleg a fferylliaeth.

Bydd y rôl yn cynnwys arfer clinigol gyda chyswllt â chleifion, a lle bydd gan ddeilydd y swydd gymwysterau priodol a'i fod yn gymwys i wneud hynny, bydd hyn cynnwys rhagnodi annibynnol.

Bydd deilydd y swydd hefyd yn cyfrannu at wasanaethau fferylliaeth ehangach, gan gynnwys dros y penwythnos, gwyliau cyhoeddus a rota ar alwad.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.