Trosolwg o'r swydd

Mae cyfle cyffrous wedi codi i Hyfforddwr Technegol/Cynorthwyydd Ffisiotherapi ymuno â'n Tîm ffisiotherapi ar Sail Banc.

Bydd yr ymgeisydd llwyddiannus yn cefnogi'r ffisiotherapyddion a'r tîm amlddisgyblaethol i ddarparu ymyrraeth ffisiotherapi a hwyluso rhyddhau cleifion o'r ysbyty. Bydd y swydd yn cynnwys gweithio gyda gwahanol dimau ffisiotherapi yn ôl gofynion y gwasanaeth.

Bydd hyfforddiant a datblygiad parhaus ar gael gan dîm cefnogol, sefydledig mewn rhan hardd o'r DU.

Mae'r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg wneud cais.

Prif ddyletswyddau'r swydd

1. Cynorthwyo ffisiotherapyddion a gweithredu rhaglenni triniaethau ffisiotherapi yn annibynnol i gleifion o lwyth achosion dynodedig, gan gynnwys y rhai gyda chyflyrau cymhleth.  Bydd hyn yn cael ei danategu gan wybodaeth ddamcaniaethol lefel sylfaenol a phrofiad ymarferol a gafwyd drwy gyrsiau byr, hyfforddiant mewnol a phrofiad at CGC lefel III neu gywerth.
2. Paratoi a chefnogi dosbarthiadau adsefydlu cleifion yr ysgyfaint.
3. Cynnal cofnodion clinigol o fewn codau ymarfer proffesiynol a chanllawiau Cymdeithas Siartredig y Ffisiotherapyddion.
4. Sicrhau safon gofal uchel gyda phob claf, gan weithio gyda’r holl asiantaethau a disgyblaethau sy’n gysylltiedig.
5. Goruchwylio a dysgu cymhorthwyr ffisiotherapi llai profiadol.
6. Ymgymryd â chymryd rhan mewn prosiectau sy’n seiliedig ar dystiolaeth a chynorthwyo i weithredu newidiadau o fewn term/lleoliad dynodedig.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.