Trosolwg o'r swydd

Mae cyfle cyffrous wedi codi i ddau Awdiolegydd arbenigol neu Wyddonydd Clinigol Band 6 profiadol a brwdfrydig i ymuno gyda’n tîm prysur a chyfeillgar yng Ngogledd Cymru.

Rydym yn chwilio am unigolyn dynamig ac awyddus i gynnal rôl allweddol wrth ddatblygu a darparu Gwasanaethau Adsefydlu Clywedol a Tinnitus uwch.

Yn ogystal, efallai y bydd cyfleoedd i gefnogi’r gwasanaeth pediatrig a/neu wasanaeth  Mewnblaniad Cochlea Gogledd Cymru, sydd wedi’i leoli yn Ysbyty Glan Clwyd.

Bydd y swyddi yn Ysbyty Maelor Wrecsam ac Ysbyty Glan Clwyd. Gwneir y swyddi mewn lleoliadau cleifion allanol, cartrefi a/neu lleoliadau gleifion mewnol yn ardal BIPBC.

Prif ddyletswyddau'r swydd

Bydd yr Ymarferydd Arbenigol mewn Awdioleg yn rhoi asesiad arbenigol ac adsefydliad mewn gwasanaethau Awdioleg Clinigol.  Bydd hyn yn cynnwys arwain ar ddarparu a chynllunio gofal unigol fel Ymarferydd Annibynnol.  Yn ychwanegol, bydd yr Ymarferydd Arbenigol yn arwain meysydd penodol o weithgaredd gwyddonol fel y dyrennir gan uwch gydweithwyr. Bydd hyn yn cynnwys cyfrannu at weithgaredd datblygu gwasanaeth, archwilio, ymchwil a darparu gweithgaredd datblygiad proffesiynol parhaus a gwaith rhyngasiantaethol.  Bydd yr ymarferydd arbenigol yn cyfrannu at hyfforddi a goruchwylio uwch gydweithwyr a rhai dan hyfforddiant.

Mae'r gallu siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.