Trosolwg o'r swydd

Prif ddyletswyddau'r swydd

Arwain ar ddatblygiad arfer gorau o ran dieteteg datblygiad cymuned/iechyd cyhoeddus, ei weithredu, ei ddarparu a'i ddadansoddi yn ardal Gorllwein y Bwrdd Iechyd gan weithio fel aelod integredig o'r timau amlddisgyblaethol ac mewn partneriaeth â nhw o fewn iechyd a'r tu allan iddo; yn cynnwys gofal cymdeithasol, awdurdod lleol, addysg a'r trydydd sector.

Darparu gofal dietetig di-dor arbenigol iawn i unigolion a grwpiau yn y meysydd a ddynodwyd uchod drwy ddefnyddio amryw o ddulliau addysg; gan gefnogi rheoli rhanddeiliaid ehangach i adeiladu capasiti yn y gymuned drwy negeseuon maeth cyson, drwy ddarparu cyrsiau achrededig a rhai heb eu hachredu. 

Bod yn arweinydd tîm o ran staff dirprwyedig maeth a dieteteg gan sicrhau safonau gofal cyson wedi'u seilio ar dystiolaeth a gweithio amlddisgyblaethol effeithiol ar draws BIPBC gan weithredu fel Arweinydd y Rhwydwaith o ran Dieteteg Iechyd Cyhoeddus.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.