Trosolwg o'r swydd

Darparu rôl hanfodol mewn cefnogi unigolion gyda chyflyrau niwrogyhyrol ar draws BIPBC. Bydd disgwyl i ddeilydd y swydd gydlynu anghenion iechyd a gofal cymdeithasol yn llwyddiannus, darparu cefnogaeth a gwybodaeth i deuluoedd a sicrhau trosglwyddiad di-dor o wasanaethau plant i oedolion, lle bo angen.

Darparu pwynt cyswllt rhanbarthol ar gyfer gwybodaeth a chyngor ar gyfer y rheiny sydd wedi cael eu heffeithio gan gyflwr niwrogyhyrol, eu teuluoedd a'r gweithwyr proffesiynol sy'n gweithio gyda nhw.

Cefnogi'r rhwydwaith niwrogyhyrol mewn cynllunio a darparu gwasanaethau niwrogyhyrol, darparu rôl gynllunio ranbarthol ar gyfer y gwasanaethau hyn.

Prif ddyletswyddau'r swydd

1. Bydd deilydd y swydd yn gyfrifol am ymgysylltu mewn datblygu a gweithredu llwybrau gofal, protocolau a strategaeth cyfathrebu gyda chydweithwyr o'r sector cyhoeddus, preifat a gwirfoddol ar draws Cymru. 

2.Bydd deilydd y swydd yn cydlynu cyngor arbenigol a chefnogaeth yn y camau ar unwaith yn dilyn y canlyniad o'r proses Sgrinio Babanod Newydd-anedig ac yn dilyn diagnosis am gyflwr niwrogyhyrol.

 3.Bydd deilydd y swydd yn darparu sesiynau codi ymwybyddiaeth i grwpiau staff sy'n rhan o ddarparu gwasanaethau iechyd a gofal cymdeithasola chefnogaeth i'r rheiny sy'n byw â chyflwr niwrogyhyrol a'u gofalwyr.

4.Bydd deilydd y swydd yn mynychu clinigau amlddisgyblaethol gyda'r clinigwyr arweiniol i roi cyngor a chefnogaeth arbenigol i deuluoedd, gofalwyr a phlant neu pobl ifanc sy'n byw â chyflwr niwrogyhyrhol.

 5.  Bydd deilydd y swydd yn datblygu ei hun a'r swydd gynghori yn unol â'r argymhellion o'r Adroddiad Thomas (2010) a'r argymhellion o'r adolygiad Niwrowyddoniaeth Cymru.

6.   Bydd deilydd y swydd yn gyfrifol am ddatblygu a chynnal cronfeydd data diweddar o adnoddau lleol a all fodloni anghenion pobl â chyflyrau niwrogyhyrol a'u teuluoedd.

7.  Bydd disgwyl i ddeilydd y swydd adeiladu cysylltiadau â gweithwyr proffesiynol lleol a gwasanaethau gwirfoddol a'u cynnal a datblygu gwybodaeth arbenigol am adnoddau eraill a all ddarparu cymorth a chefnogaeth gyda e.e. budd-daliadau a gwasanaethau mewn profedigaeth.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.