Trosolwg o'r swydd

Rydym yn gyffrous ein bod yn cynnig swydd (0.9acall) parhaol 8a Uwch Seicoleg Glinigol Seicoleg Iechyd, yn y Tîm GIMPPhI Gwynedd ac Ynys Môn. Rydym yn dîm amlddisgyblaethol cyfeillgar, profiadol a deinamig ac wedi ein lleoli mewn rhan hardd o Ogledd Cymru. Bydd yr elfen anhwylderau bwyta o'r swydd dros Wynedd ac Ynys Môn, gyda rhai apwyntiadau yn cael eu cynnal yn Uned Glasoed Gogledd Cymru yn Abergele. Bydd gwaith craidd CAMHS ym Meirionnydd a Dwyfor.

Byddem hefyd yn croesawu ceisiadau gan Seicolegwyr Clinigol â chymwysterau addas sy'n edrych i ddatblygu i rôl Uwch Seicolegydd Clinigol. Yn yr achos hwn byddai'r ymgeisydd llwyddiannus yn cael ei benodi i swydd ddatblygu Band 7 ac wrth ddechrau'r swydd bydd yn gosod cynllun datblygu dysgu gyda'u mentor i gyflawni cymwyseddau penodol o fewn amserlen briodol. Mae hwn yn debygol o fod yn gyfnod rhwng 6 mis a 2 flynedd i'w gwblhau yn dibynnu ar sgiliau a phrofiad cyfredol. Byddai dyrchafiad i swydd 8a yn digwydd ar ôl cwblhau'r cynllun yn llwyddiannus.

Prif ddyletswyddau'r swydd

Darparu gwasanaeth seicoleg glinigol arbenigol iawn i gleientiaid y sector, gan ddarparu asesiad seicolegol arbenigol a therapi i gleientiaid.

Gweithio’n annibynnol ac yn unol â Chod Ymarfer, Egwyddorion Moesegol a Chanllawiau 2004 y Gymdeithas Seicolegol Brydeinig, a’r Cyngor Proffesiynau Iechyd a Gofal.

O fewn y tîm, ymarfer cyfrifoldeb dirprwyedig am reoli a goruchwylio seicolegwyr cynorthwyol a llwyth gwaith yr hyfforddeion, o fewn fframwaith polisïau a gweithdrefnau'r tîm/gwasanaeth.

Cyfrannu at ddatblygu polisïau a gweithdrefnau tîm lleol er mwyn hwyluso gwasanaeth o answdd gwell.

Cynghori rheolwyr gwasanaeth a phroffesiynol ar agweddau ar y gwasanaeth sy'n ymwneud â'r tîm lle mae angen mynd i'r afael â materion seicolegol a/neu sefydliadol.

Darparu goruchwyliaeth broffesiynol a chlinigol ar gyfer staff dynodedig, fel y bo'n briodol.

Darparu lleoliadau clinigol a goruchwyliaeth ar gyfer seicolegwyr clinigol dan hyfforddiant lefel Doethuriaeth a darparu hyfforddiant i weithwyr proffesiynol eraill.

Defnyddio sgiliau ymchwil arbenigol ar gyfer archwilio, datblygu polisi a gwasanaeth, ac ymchwil.

Gweithredu fel aelod o'r panel wrth recriwtio staff dynodedig, fel y bo'n briodol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.