Trosolwg o'r swydd

Mae swydd wag am oriau amrywiol wedi dod ar gael i HCSW yn Ysbyty Cymunedol Chirk ar Ward Ceiriog. Mae hwn yn swydd amser llawn, ond gellir trafod oriau ac amserlenni gwaith yn y cyfweliad.

Fydd yr ymgeisydd llwyddiannus yn gweithio fel rhan o dîm o nyrsus a fydd yn gofalu i rhoi gofal o safon uchel i’r cleifion o dan y brif Nyrs.

Mae'r rôl yn cynnwys cynorthwyo cleifion i ddiwallu eu hanghenion gofal personol, cofnodi arsylwadau a chwblhau dogfennau wrth ochr y gwely.  Mae'n ofynnol hefyd i Weithwyr Cymorth Gofal Iechyd lanhau'n gyffredinol yn yr amgylchedd clinigol drwy baratoi gwelyau ac offer glanhau.

Ym mhob sifft, dyrennir HCSW i ddarparu gofal i grŵp o gleifion.  Mae'r dyletswyddau'n cynnwys darparu gofal personol ond nid ydynt yn gynhwysol; cynorthwyo i weini prydau a diodydd drwy gydol y dydd; cofnodi arsylwadau a mynd gyda chleifion ar gyfer ymchwiliadau.

Bydd eich anghenion datblygu yn cael eu diwallu drwy adolygiadau datblygiad personol.

Bydd yr ymgeisydd delfrydol yn llawn cymhelliant ac yn gallu gweithio mewn amgylchedd cyflym a heriol.

Mae'r gallu i siarad Cymraeg yn ddymunol ar gyfer y swydd hon; Mae croeso i siaradwyr Cymraeg a/neu Saesneg wneud cais.

Prif ddyletswyddau'r swydd

Cynorthwyo nyrsys cofrestredig/ ymarferwyr i ddarparu gofal yn seiliedig ar dystiolaeth i gleifion/cleientiaid gan weithio mewn partneriaeth â gweithwyr proffesiynol gofal iechyd eraill, y
claf, eu teuluoedd a gofalwyr.

Darparu gofal cleifion fel sy'n cael ei gofnodi yn y cynllun gofal nyrsio. Ymgymryd ag ystod eang o ddyletswyddau dan oruchwyliaeth nyrs gofrestredig am hyd y sifft.

Cefnogi cleientiaid/defnyddwyr gwasanaeth i gynnal eu hiechyd a'u lles;
Ymgymryd â gweithgareddau clinigol a therapiwtig penodol a dirprwyedig.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.