Trosolwg o'r swydd

Ar hyn o bryd mae'r Gwasanaeth Fforensig Cymunedol yn recriwtio staff gwrywaidd er mwyn cynnal tegwch ei sefydliad staffio ac oherwydd gofynion y grŵp cleifion gwrywaidd yn unig.

 Mae cyfle cyffrous wedi codi i Gweithiwr Cefnogaeth, Amser ac Adferiad ymuno â’r Gwasanaeth Fforensig Cymunedol.

Noder: Gall y swydd wag hon gau'n gynnar os derbynnir nifer fawr o geisiadau.  Argymhellwn eich bod yn cyflwyno eich cais cyn gynted a phosibl.

Prif ddyletswyddau'r swydd

Diben y swydd hon yw gweithio fel rhan o’r Tîm Cefnogaeth, Amser ac Adferiad Estynedig (ESTR), a’r gwasanaeth adsefydlu ac adfer, sy’n darparu gwasanaethau iechyd meddwl i’r unigolion hynny sydd ag anghenion cymhleth, a chanolbwyntio ar anghenion uniongyrchol defnyddwyr y gwasanaeth. Byddant yn:

• Darparu cefnogaeth a rhoi amser i grŵp penodol o ddefnyddwyr y gwasanaeth, a hybu eu hadferiad gan eu cefnogi i ddychwelyd i amgylchedd cymunedol, neu eu cefnogi i gadw eu lle yn y gymuned
• Cefnogi defnyddwyr y gwasanaeth i ddiwallu eu hanghenion a deilliannau a nodwyd, gan roi sylw i’w gwerthoedd, dymuniadau a dyheadau i fyw eu bywydau yn y ffordd maent yn dymuno, a pharchu’r rhain, eu cefnogi i gael mynediad at wasanaethau ac adnoddau cymunedol, fel tai, budd-daliadau, hamdden, addysg a chyflogaeth
• Cynorthwyo’r Gwasanaeth Adsefydlu ac Adferiad a’r tîm ESTR i asesu, cynllunio, gweithredu a gwerthuso nodau a chynlluniau adferiad y cytunwyd arnynt gan bawb.
• Gweithio gyda defnyddwyr y gwasanaeth i ddatblygu ymhellach deilliannau a nodau manwl a phersonol.
• Gallu gweithio yn annibynnol â defnyddwyr y gwasanaeth, ymateb yn ddiogel ac yn hyblyg i anghenion sy’n newid.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.