Trosolwg o'r swydd

Bod yn aelod effeithiol o dîm amlddisgyblaethol y Nyrsys ysgol / Ymwelwyr Iechyd i hyrwyddo iechyd a lles plant mewn llwyth gwaith dynodedig. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Bod yn aelod effeithiol o dîm amlddisgyblaethol Nyrsys Ysgol  i hyrwyddo iechyd a lles plant mewn llwyth gwaith dynodedig.

Darparu a threfnu gwasanaeth gweinyddol cynhwysfawr, effeithiol, cywir a phrydlon o safon uchel i’r Nyrsio Ysgol a  thimau Ymwelwyr Iechyd a chynorthwyo gyda rhediad esmwyth y gwasanaeth.

Bydd deilydd y swydd yn trin materion sensitif a chyfrinachol iawn sy'n ymwneud â materion sy'n effeithio'r cleientiaid a'u teuluoedd.

Fel aelod o’r Tîm Gweinyddu, mae dull hyblyg o weithredu yn hanfodol i’r swydd i alluogi blaenoriaethu’r baich gwaith a dyletswyddau gwahanol.

Mae angen sgiliau cyfathrebu a rhyngbersonol ardderchog i gyflawni dyletswyddau yn ddoeth, yn feddylgar ac yn sensitif. Gwneud penderfyniadau a dyfarniadau cadarn gan ddefnyddio synnwyr cyffredin a lefel o awdurdod yn unol â chytundeb â’r Rheolwr Llinell. 

Gwybodaeth a dealltwriaeth o’r strwythur, polisïau, gweithdrefnau rheoli a gweithredu yn y Swyddfa Weinyddu ac ar gyfer y Bwrdd Iechyd fel bo’r gofyn er mwyn delio ag ymholiadau mewnol ac allanol mewn modd cymwys a hyderus.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.