Swydd-ddisgrifiad a phrif gyfrifoldebau manwl

Rheoli ymchwil a sefydlu prosiectau

• Darparu gwybodaeth ymchwil sensitif a chymhleth a'i derbyn. Mae hyn yn gofyn am farnu ystod o ffactorau neu sefyllfaoedd a chymharu ystod o opsiynau yn dibynnu ar lefel bob prosiect ymchwil, er mwyn bodloni gofynion y prosesau a rheolaeth Llywodraethu Ymchwil.
• Gweithio'n agos â'r Awdurdod Ymchwil Iechyd ac Ymchwil Iechyd a Gofal Cymru i roi cadarnhad lleol i ddechrau prosiectau.  Asesu cyflwyniadau unigol sy'n seiliedig ar elfennau cymhleth (math o ymchwil, gofynion rheoleiddio), a phenderfynu arnynt, gan gymharu amrywiaeth o opsiynau a'r ffordd briodol o weithredu ar gyfer eu cymeradwyo.
• Bod yn gyfrifol am wiriadau penodol cyn-darparu ar gyfer pob astudiaeth sydd wedi cofrestru. 
• Gweithio'n agos â Gweinyddwyr Ymchwil ac aelodau eraill y tîm ymchwil i addasu a gwella'r prosesau ymchwil lleol. 
• Dechrau creu pasportau ymchwil ar gyfer ymchwilwyr nad ydynt yn gweithio i'r GIG a olrhain eu cynnydd.  Cofnodi'r holl basportau ymchwil ac wedyn rhoi cytundebau ymchwil anrhydeddus neu lythyrau mynediad fel bo'n briodol, gan gysylltu'r prif ffeiliau ymchwil priodol. 
• Darparu cefnogaeth i'r Prif Ymchwilwyr o ran sefydlu systemau rheoli ymchwil priodol sy'n cydymffurfio â fframwaith Polisi'r Deyrnas Unedig ar gyfer Ymchwil Iechyd a Gofal Cymdeithasol ar ddechrau'r broses ymchwil. 
• Arwain ar fewnbwn gwybodaeth astudiaeth leol benodol ar systemau rheoli Prosiect Lleol.  Sicrhau ansawdd gwybodaeth ymchwil ar y gronfa ddata.

Archwilio a monitro

• Sicrhau bod prosiectau ymchwil yn cael eu hadolygu, eu harchwilio a'u monitro yn brydlon, a chael cymeradwyaeth rheolaethol fel y diffinnir gan bolisïau, protocolau a gweithdrefnau.  Mae hyn yn gofyn am weithio gydag ystod o weithdrefnau ac arferion rheolaidd a rhai nad ydynt yn rheolaidd i sicrhau fod bob cymeradwyaeth rheoli wedi’i gael ar gyfer bob prosiect sy'n weithredol yn BIPBC sy'n cael eu rheoli gan y swyddfa Ymchwil.
• Cynnal gweithgareddau archwilio a monitro priodol fel bod angen fel rhan o'r System Ansawdd Ymchwil i sicrhau bod y safonau sydd eu hangen ar gyfer pob prosiect ymchwil yn cael eu cynnal yn unol â'u cynigion ymchwil fel y cytunir gan gorff sy'n cymeradwyo ac yn unol â Llywodraethu Ymchwil ar gyfer Iechyd a Gofal Cymdeithasol, am hyd bob prosiect.
• Archwilio prosiectau ymchwil sy'n weithredol yn y Bwrdd Iechyd yn unol â gofynion gweithdrefnau risg/monitro ymchwil y Bwrdd Iechyd.  Sicrhau bod data sy'n dod o archwiliadau ymchwil yn cael eu rhoi ar y gronfa data rheoli ymchwil a pharatoi adroddiadau sy'n crynhoi'r darganfyddiadau.  Dilyn darganfyddiadau archwilio a sicrhau bod y camau gweithredu a argymhellwyd yn cael eu gweithredu.
• Hyrwyddo datblygu a gweithredu Polisïau ymchwil Iechyd a Chanllawiau a Gweithdrefnau Gweithredu Safonol yn BIPBC yn erbyn pa arfer ymchwil sy'n cael ei asesu a'i fonitro i sicrhau bod Llywodraethu Ymchwil yn cael ei gydlynu gyda mentrau eraill BIPBC a'i bartneriaid. 
• Cefnogi a rhoi cyngor i ymchwilwyr sy'n amrywio o ran lefel yr hynafedd y tu mewn i'r Bwrdd Iechyd a'r tu allan iddo i gyflawni gweithdrefnau gweithredu safonol a pholisïau ymchwil Iechyd y Bwrdd Iechyd o ran gwneud gwaith ymchwil. 
• Cydlynu rhaglenni/rhestrau archwilio, eu gweithredu a'u cynnal fel y rheolir gan y rheolwr Ymchwil.  Bydd hyn yn cynnwys cyflwyno rhaglen o archwiliadau o reoli ymchwil sy'n ymwneud â systemau a chefnogi adrannau i sicrhau cydymffurfiad a thrin materion sy'n ymwneud ag ymchwil yn effeithiol, ac arwain asesiadau cynhwysfawr o arfer ymchwil, ar sail y safonau a ddatblygwyd a'r fframwaith rheolaethol (Cyfraith yr Undeb Ewropeaidd/ y Deyrnas Unedig).  Casglu data a gwybodaeth sy'n codi o'r archwiliadau ei ddadansoddi, ei ddehongli a’i gyflwyno.
• Cynllunio a threfnu rhaglenni cymhleth o fonitro cynnydd astudiaethau ac adroddiadau terfynol, cofnodi'r data a gafwyd o'r adroddiadau a lledaenu gwybodaeth yn briodol.
• Rhoi cefnogaeth, cymorth a chyngor i brosiectau ymchwil y  BIPBC (coladu data, mewnbynnu data, helpu gyda rhoi gweithdrefnau ar hap, creu cynnwys dogfennaeth a'i adolygu, gydag arweiniad gan y Rheolwr Ymchwil ar gyfer prosiectau penodol)

Archifo

·         Cynnal arolygiaeth ar gyfer archifo pob dogfen sy'n ymwneud â'r holl astudiaethau a Gynhelir ac a Noddir yn y Bwrdd Iechyd.

·         Dilyn Gweithdrefnau Gweithredu Safonol lleol ar gyfer paratoi, storio a chael mynediad at ddeunyddiau i'w archifo.

·         Gweinyddu'r system Iron Mountain Connect, rhoi mynediad i'r safle, cael bocsys, dychwelyd bocsys i'r Iron Mountain, talu anfonebau a monitro gwariant ar y cyfrif, cynnal archwiliadau ar y safle yn ogystal ag archwiliadau bocs blynyddol.   Trefnu i astudiaethau gael eu dychwelyd a'u dinistrio pan fo angen yn dilyn polisi'r Bwrdd Iechyd ar gyfer gwaredu gwastraff cyfrinachol.

Hyfforddiant

• Nodi anghenion hyfforddiant ymysg ymchwilwyr y Bwrdd Iechyd. 
• Rhoi cyngor ac arweiniad cyffredinol ar wybodaeth Ymchwil i ymchwilwyr o BIPBC a'r Brifysgol, (yn cynnwys cynrychiolwyr y cyhoedd a chleifion, defnyddwyr y gwasanaeth, Meddygon dan hyfforddiant ac ar bob band), ar y prosesau llywodraethu ymchwil.  Lledaenu'r wybodaeth hon a'i ddiweddaru gan sicrhau fod yr holl ddatblygiadau newydd mewn Ymchwil yn cael eu cyfathrebu a'u rhoi ar wefan BIPBC.
• Creu cyflwyniadau at ddibenion hyfforddi ar gyfer ymchwilwyr o bob gradd.

          Darparu hyfforddiant Arfer Clinigol Da a hyfforddiant ymarferol a chyngor yn rheolaidd i ymchwilwyr.