Trosolwg o'r swydd

Mae cyfle cyffrous wedi codi i Ysgrifennydd Cymorth / Clerc Archebu ymuno â'r tîm yn y Gwasanaeth Dwysedd Esgyrn (Bone Densitometry) yn Ysbyty Cyffredinol Llandudno.

Pwrpas y swydd hon yw cefnogi'r gwaith o ddarparu gwasanaeth gweinyddol ysgrifenyddol meddygol cynhwysfawr o ansawdd uchel.

Bydd deiliad y swydd yn aelod allweddol o'r tîm ysgrifenyddol, gan ddarparu gwasanaeth gweinyddol cywir a chyfrinachol i'r Arbenigedd Clinigol a'i ffrydiau gwaith cysylltiedig.

Prif ddyletswyddau'r swydd

Darparu gwasanaeth gweinyddol cywir a phrydlon i hwyluso darpariaeth gwasanaeth trefnu apwyntiadau effeithiol ac effeithlon i'r Uned. Gweithio ar eich liwt eich hun mewn sefyllfaoedd sy’n gallu bod yn gymhleth i sicrhau bod cleifion yn cael trefnu apwyntiad yn unol â thargedau mynediad lleol a chenedlaethol.

Gweithio fel rhan o dîm amddisgyblaethol, yn cefnogi aelodau eraill o'r tîm i gyflawni'r targedau mynediad a gwasanaeth trefnu apwyntiadau sy'n canolbwyntio ar gleifion. Bod yn rhan o swyddogaeth weinyddol gydlynol ac integredig i'r gwasanaeth

Mae’r Gymraeg yn hanfodol ar gyfer y swydd hon

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.