Trosolwg o'r swydd

Ydych chi’n angerddol dros wella iechyd a lles yn ein cymunedau? Ydych chi’n mwynhau dod â phobl at ei gilydd, adeiladu partneriaethau, a gwneud i bethau ddigwydd?

Rydym yn chwilio am Uwch Gydlynydd Clwstwr brwdfrydig, rhagweithiol ac arloesol i arwain y Tîm Cefnogi Clystyrau yng Nghymuned Iechyd Integredig Ardal y Canol, gan gefnogi datblygiad y clystyrau ar draws Sir Conwy a Sir Ddinbych.

Dyma gyfle gwych i weithio ar flaen y gad ym maes datblygiad clwstwr yng Ngogledd Cymru, lle byddwch yn gweithio gyda grŵp eang o randdeiliaid ar draws iechyd, gofal cymdeithasol, y trydydd sector a’r sector cyhoeddus ehangach.

Byddwch yn derbyn cymorth gan dîm galluog a phrofiadol o Gydlynwyr Clwstwr, Arweinwyr Clwstwr ac Arweinwyr Cydweithfeydd Proffesiynol sy’n weithgar ac yn graff eu barn, ynghyd ag arweiniad cryf gan Dîm Rheoli Gofal Sylfaenol. Dyma rôl werthfawr sy’n cynnig boddhad mawr, gyda chyfleoedd gwirioneddol i wneud gwahaniaeth – drwy hybu gwelliannau ac arloesedd ym maes gofal sylfaenol, ac yn helpu i sicrhau canlyniadau gwell o ran iechyd a llesiant i’r bobl a’r cymunedau yr ydym yn gweithio ar eu cyfer.

Os yw hyn yn swnio fel rhywbeth y byddech chi’n ei fwynhau, byddem wrth ein bodd yn dysgu mwy amdanoch chi a chynnig cyfle i chi ddysgu mwy am waith y clystyrau- felly, cysylltwch â ni am sgwrs anffurfiol.

Prif ddyletswyddau'r swydd

Byddwch yn gyfrifol am arwain a chydlynu datblygiad cynlluniau clwstwr lleol, gan sicrhau eu bod yn cyd-fynd â pholisïau cenedlaethol fel Cymru Iachach a’r Model Gofal Sylfaenol i Gymru. Byddwch yn gweithio’n uniongyrchol ag Arweinyddion Clwstwr ac Arweinyddion Cydweithfeydd Proffesiynol - gan gynnwys uwch weithwyr gofal iechyd ym meysydd Meddygaeth Deuluol, Optometreg, Fferylliaeth Gymunedol a Nyrsio Cymunedol – i’w cefnogi yn eu rolau arwain clwstwr, ac i’w cynorthwyo i siapio blaenoriaethau sy’n ymateb i anghenion y boblogaeth leol.

Mae’r gallu i weithio mewn partneriaeth yn hanfodol. Byddwch yn unigolyn sy’n mwynhau adeiladu perthnasoedd cadarn, yn cyfathrebu’n glir, ac yn ysbrydoli eraill i rannu’r un weledigaeth a symud ymlaen gyda chi. Byddwch yn ymroddedig i weithio fel rhan o system gyfan, yn gallu llywio sefyllfaoedd cymhleth, ac yn gyfforddus yn gweithio ar draws ffiniau sefydliadol a phroffesiynol. Byddwch yn helpu i sicrhau bod gwaith y clystyrau yn gwneud gwahaniaeth ystyrlon i flaenoriaethau cenedlaethol ac yn arwain at welliannau gwirioneddol ym mywydau pobl leol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.