Trosolwg o'r swydd

Mae're swydd hon am gyfnod penodol/secondiad am 12 mis oherwydd cyllido.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae cyfle cyffrous wedi codi i berson brwdfrydig ymuno â thîm Addysg a datblygu Cynorthwywyr Gofal Iechyd (HCA). Cynigir y swydd naill ai fel secondiad mewnol am 12 mis neu’n allanol i sefydliad, 12 mis am gyfnod penodol, amser llawn 37.5 awr yr wythnos a’i nod yw helpu i gefnogi datblygiad HCA ar draws Bwrdd Iechyd Prifysgol Betsi Cadwaladr (BIPBC).

Bydd y swydd yn cynnwys cefnogi CGI a staff Banc sydd newydd eu penodi i gael mynediad i raglen Sefydlu Cymru Gyfan, a chefnogi dysgwyr trwy asesu eu QCF. Bydd yr ymgeisydd llwyddiannus yn gweithio mewn meysydd clinigol ledled BIPBC, yn ysbytai ac yn y gymuned ac yn cynorthwyo dysgwyr yn eu datblygiad proffesiynol. Bydd y swydd hefyd yn cynnwys yr ymgeisydd yn dylunio, datblygu a chyflwyno sesiwn ddatblygiadol yn unol â Rhaglen Sefydlu Cymru Gyfan i ddysgwyr.

Mae gyrru yn hanfodol ar gyfer y swydd hon

Prif ddyletswyddau'r swydd

Cyfrannu at gynllunio rhaglenni hyfforddiant, eu datblygu a'u darparu ar gyfer Cynorthwyydd Gofal Iechyd a phrentisiaid iechyd o fewn y Gymuned Iechyd dynodedig.

Darparu asesiad a chefnogaeth i Gynorthwywyr Gofal Iechyd a phrentisiaid yn eu datblygiad proffesiynol.

Gweithredu gofal i gleifion, arsylwi cyflwr y claf, cofnodi arsylwadau clinigol ac adrodd i'r nyrs cofrestredig wrth gefnogi Cynorthwywyr Gofal Iechyd a phrentisiaid yn ardal y ward fel rhan o'r broses asesu,

Cynnal gweithdrefnau nyrsio, e.e ail orchuddio briwiau, lefelau siwgr yn y gwaed, fel rhan o asesiad addysg alwedigaethol a gofal cleifion.

Goruchwylio Cynorthwywyr Gofal Iechyd / Prentisiaid a chynorthwyo gydag asesu eu hanghenion dysgu, eu datblygu a'u cadw.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.