Trosolwg o'r swydd

Mae cyfle cyffrous wedi codi i un Technegydd Gorchuddion Clinigol Band 4 i ymuno â'r Gwasanaeth Ymddaliad a Symudedd yn Ysbyty Bryn y Neuadd, Llanfairfechan.  Mae'r gwasanaeth yn cynnwys ardal ddaearyddol fawr yng Ngogledd a Chanolbarth Cymru.  

Bydd y gwaith wedi'i leoli yn y gweithdy dodrefnu a bydd yn cynnwys gwneud gorchuddion i ddyfeisiau i ddefnyddwyr cadair olwyn ac addasu offer symudedd modur a di-fodur.  Byddwch yn gweithio fel rhan o dîm amlddisgyblaethol sy'n cynnwys staff clinigol, technegol a gweinyddol.

Prif ddyletswyddau'r swydd

Prif amcanion y swydd yw:

• Gweithgynhyrchu gorchuddion ac ategolion i ddyfeisiau meddygol wedi’u haddasu, ac addasu offer oddi-ar-y-silf i gyd-fynd a anghenion y cleifion.
• Creu patrymau i gynhyrchu y gorchuddion – mae iDigit yn cael ei ddefnyddio i troi y patrymau papur yn ddigidol.
• Cefnogi y clinigwyr ac yn cynnig cyngor ar ddulliau cynhyrchu a defnyddiau.

Mae'r swydd hon yn rhoi cyfle i'r ymgeisydd llwyddiannus ddatblygu sgiliau gorchuddion a bydd yn gofyn i chi addasu i fodloni amrywiaeth eang o ofynion technolegol a chlinigol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.