Trosolwg o'r swydd

MAE’R SWYDD HON AM GYFNOD PENODOL/SECONDIAD TAN 31 MAWRTH 2026 OHERWYDD CYLLIDO

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Mae cyfle unigryw i ymuno â phrosiect newydd cyffrous wedi codi o fewn rhaglen beilot ar Ynys Môn sy'n cefnogi iechyd a lles plant a theuluoedd.

Bydd yr ymgeisydd llwyddiannus yn gweithio ochr yn ochr â chyd-weithwyr cymorth i deuluoedd o dan arweiniad yr Uwch Gydlynydd Prosiect, gan ddarparu ac ehangu gwasanaethau cymorth i deuluoedd.  Bydd hyn yn cynnwys profi ffyrdd newydd o weithio i ymgysylltu â theuluoedd yn y cartref yn ogystal â darparu ymyriadau yn y gymuned, gan ddefnyddio ystod o ddulliau cytunedig i annog newidiadau cadarnhaol i fwyd, maeth ac ymddygiadau gweithgarwch corfforol.

Bydd deiliad y swydd yn gweithio'n gymharol annibynnol o fewn tîm bach, tra hefyd yn cydweithio'n agos gyda aelodau eraill o'r tîm, gan weithio i fframwaith y cytunwyd arno gyda rhywfaint o ymreolaeth, cyfrifoldeb ac atebolrwydd am y tasgau hyn.  Bydd hyn yn cynnwys cyfrifoldeb am lwyth achos, gan gynnwys darparu cymorth i grwpiau o deuluoedd a gweithio'n gydgynhyrchiol gydag ystod o bartneriaid a sefydliadau mewn amgylchedd cymunedol cymhleth.

Bydd deiliad y swydd yn cefnogi'r prosiect sy'n arwain at fonitro a sicrhau ansawdd ymyriadau ac yn cyfrannu at werthuso canlyniadau a chynaliadwyedd dulliau a brofir.

Prif ddyletswyddau'r swydd

Prif Gyfrifoldebau:

Cynllunio, cydlynu a darparu sesiynau addysg 1 i 1 a grŵp yn seiliedig ar faeth, yn cynnwys sgiliau coginio ymarferol ac ymyriadau maeth yn y gymuned i deuluoedd, o dan gyfarwyddyd y prosiect Dietegydd ac Uwch Arweinydd Prosiect.

Ysgogi, arwain ac annog teuluoedd i gymryd rhan mewn gweithgareddau hybu iechyd, monitro eu cynnydd ac adrodd ar ganlyniadau/canfyddiadau i'r tîm a/neu bartneriaid ehangach.

Gweithio'n annibynnol o dan fenter eich hun ar feysydd prosiect penodol, fel y cytunwyd gyda'r Uwch Arweinydd Prosiect, gan ofyn am gyngor a chefnogaeth fel sy'n hanfodol.

Datblygu a chynnal gwaith partneriaeth cadarnhaol ar draws ystod o randdeiliaid i hyrwyddo'r prosiect, ymyriadau a chefnogi egwyddorion allweddol iechyd a lles yn gyffredinol. Mae hyn yn cynnwys cyfathrebu gyda staff awdurdod lleol, cyd-weithwyr iechyd, staff hamdden, a'r sector wirfoddol.

Cymryd rhan mewn trafodaethau a fforymau partneriaeth i rannu profiadau dysgedig a myfyrio ar feysydd llwyddiant a'r rhai i'w datblygu ymhellach.

Cynhyrchu adnoddau a deunyddiau hyfforddi, megis cyflwyniadau PowerPoint, taflenni gwybodaeth, arddangosfeydd, taflenni ac offer gwerthuso

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.