Trosolwg o'r swydd

Prif ddyletswyddau'r swydd

Prif ddyletswydd y swydd hon yw gwaith derbynfa - cyfarfod a chyfarch cleifion wrth iddynt gyrraedd, bwcio cleifion i mewn ar gyfer eu harchwiliad, trefnu apwyntiadau, ateb y ffôn a phob agwedd sy'n gysylltiedig â rôl derbynnydd.

Efallai y bydd gofyn i chi hefyd gynorthwyo’r Radiograffydd drwy gyflawni dyletswyddau nad ydynt yn rhai radiograffig sy’n cynnwys gofal, paratoi a rheoli cleifion sy’n cyflwyno ar gyfer triniaethau radiolegol, paratoi offer, archebu offer drwy’r system caffael ar-lein, a phrosesu delweddau yn ôl yr angen.

Mae'r gallu i siarad Cymraeg yn hanfodol ar gyfer y swydd hon.

Gweithio i'n sefydliad

Os ydych chi'n mwynhau her, os oes gennych angerdd i helpu eraill neu os ydych chi awydd dechrau newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy’n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ar draws Gogledd Cymru. Ymunwch â’n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith cymhwysedd ‘Balch o Arwain’.

Mwynhau bod yn rhan o weithio gydag arweinwyr ymgysylltiedig ar bob lefel, a bod yn sicr ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun “Cyflogwr Hyderus ag Anabledd”.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth yn ymwneud â recriwtio drwy'r cyfrif e-bost a gofrestrwyd ar y ffurflen gais.

Gellir cyflwyno ceisiadau yn Gymraeg. Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.