Trosolwg o'r swydd

Gwahoddir ceisiadau gan radiograffwyr therapi brwdfrydig a llawn cymhelliant sydd wedi'u cofrestru gyda'r HCPC, neu sy’n gymhwyso’n fuan, i ymuno â'r tîm gyfeillgar ac angerddol yng Nghanolfan Trin Canser Gogledd Cymru.

Byddwch yn cylchdroi rhwng ardaloedd cyn-driniaeth ac triniaeth, a chewch gefnogaeth lawn drwy ein rhaglen hyfforddi a sefydlu (preceptorship). Mae sgiliau cyfathrebu a threfnu rhagorol yn hanfodol.

Mae'r adran wedi'i chyfarparu â pheiriannau Varian TrueBeam a Halcyon, system Aria, Uned Orthofoltedd, sganiwr cynllunio CT Canon, ProSoma, Eclipse TPS a Radiotherapi a Arweinir gan Arwyneb (Surface Guided Radiotherapy).

Disgwylir i ddeiliad y swydd weithio'n hyblyg rhwng 08:00 ac 18:30 i ddiwallu anghenion gweithredol y gwasanaeth ac i gymryd rhan yn y rota ar alwad.

Cynhelir cyfweliadau wyneb yn wyneb yn ystod wythnos y 16eg o Dachwedd 2026.

Prif ddyletswyddau'r swydd

Cyfrannu at wasanaeth o'r ansawdd orau sy'n canolbwyntio ar gleifion dan oruchwyliaeth Uwch Radiograffwyr a'r Uwcharolygwyr Radiograffeg. 

Cyfrannu at ddarparu gwasanaeth radiotherapi effeithiol ac effeithlon, gan nodi a chyfathrebu'r angen am welliannau posibl.

Ymgymryd â chynorthwyo ag ystod eang o driniaethau radiotherapi ar draws yr Adran Radiotherapi yng Nghanolfan Trin Canser Gogledd Cymru, fel bo'n briodol i lefel a sgôp yr hyfforddiant - Gall y sgôp triniaeth hwn gynnwys er enghraifft gwneud triniaethau brys y tu allan i oriau.   

Gwneud Triniaethau Radiograffeg o ansawdd uchel gan sicrhau darparu llif gwaith yn effeithlon, a chydymffurfio â'r rheoliadau statudol sy'n ymwneud â pholisïau a gweithdrefnau’r Adran Ffiseg Feddygol, ymbelydredd ïoneiddio, BIPBC a Radiotherapi.  

Mae’r gallu siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch a'n tim a chael y cymorth sydd ei angen arnoch, yn unol a’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.