Trosolwg o'r swydd

Mae cyfle cyffrous ar gael yn Ysbyty Rhuthun. Rydym yn awyddus i benodi Rheolwr Ward Band 7 sy'n hyderus, yn gredadwy ac yn ysbrydoledig i weithio fel aelod hollbwysig o dîm yr Ysbyty Cymunedol i ddarparu arweinyddiaeth effeithiol, cynnig gofal o ansawdd uchel, gwella gwasanaethau a datblygu'r gweithlu gyda chymorth Metron yr Ardal Leol. Os yw datblygu gofal yn nes at y cartref a datblygu ffyrdd newydd o weithio, sy'n canolbwyntio'n gyfan gwbl ar gleifion, yn agos at eich calon chi, dylech ddod atom ni i weithio. Rydym yn gweithio ar egwyddor ymagwedd o'r gwaelod i fyny ac mae croeso i bawb gyfrannu eu syniadau'n ymwneud â gwelliannau y gallwn eu cyflawni gyda'n gilydd.

Mae 27 o welyau sy'n cael eu cynnal gan dîm amlddisgyblaethol i gynnig adsefydlu, ail-alluogi o'r gwely lle nad oes modd diwallu anghenion gofal o'r cartref ar hyn o bryd, anghenion gofal hirdymor posibl lle bo angen asesu pellach, llwybr carlam (lle mai ysbyty cymunedol yw'r man a  ffafrir i farw), llwybr i'r rhai na allant gario pwysau (hyd at chwe wythnos) lle nad oes modd diwallu anghenion gofal gartref ar hyn o bryd a derbyniadau 'Camu i Fyny' o'r cartref mewn achosion priodol er mwyn osgoi derbyn i'r ysbyty acíwt.

Prif ddyletswyddau'r swydd

• Bydd deilydd y swydd yn gyfrifol am reolaeth a darpariaeth gofal nyrsio 24 awr yn y maes clinigol dynodedig.
• Bydd deilydd y swydd yn arbenigwr mewn asesu holl feysydd o ofal nyrsio, eu cynllunio a'u gweithredu ac am ddarparu arweinyddiaeth glinigol ar gyfer y gwasanaeth.
• Mae deilydd y  swydd yn gyfrifol am sicrhau bod gofal o'r radd flaenaf yn seiliedig ar dystiolaeth glinigol yn cael ei gyflawni a'i fonitro'n gyson.
• Bydd deilydd y swydd yn gyfrifol am sicrhau bod Addewid Urddas y Bwrdd Iechyd yn cael ei weithredu yn y maes cyfrifoldeb bob amser, bod aelodau o staff yn trin cleifion, teuluoedd a chydweithwyr gydag urddas a pharch.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.