Trosolwg o'r swydd

Mae’r swydd hon am Gyfnod penodol/Secondiad am 12 mis i cwrdd gofynion y gwasanaeth.

Mae hwn yn gyfle cyffrous i ddod yn Nyrs Imiwneiddio (Goruchwyliwr Clinigol Band 6) yn gweithio o fewn y Tîm Imiwneiddio. Nod y swydd yw goruchwylio’r tîm o imiwneiddwyr i ddarparu imiwneiddiadau yn ddiogel i’r boblogaeth plant oed ysgol. Nod y Tîm yw cefnogi’r gwasanaeth Nyrsys Ysgol cyfredol i ddarparu’r rhaglen imiwneiddio ar draws Wrecsam a Sir y Fflint; mewn ysgolion, clinigau neu yn y cartref. Yr amcanion yw hyrwyddo a chynyddu nifer y plant oed ysgol sy’n cael imiwneiddiadau yn unol â thargedau’r llywodraeth; lleihau effaith y rhaglen imiwneiddio ar wasanaethau Nyrsio Ysgol craidd; datblygu tîm cydlynol sy’n gweithredu’n dda; integreiddio’r tîm ymroddedig i dimau nyrsio ysgol cyfredol; a sicrhau bod y rhaglen yn cael ei ddarparu’n ddi-dor gan ddangos arfer gorau a chanlyniadau cadarnhaol.

Mae’n rhaid i ymgeiswyr fod â chofrestriad NMC cyfredol.

Prif ddyletswyddau'r swydd

Yn benodol, bydd deilydd y swydd yn gyfrifol am: 

• Ddarparu gwasanaeth imiwneiddio diogel, helpu i ddylanwadu a hwyluso newid o fewn y lleoliadau a'r meysydd gwasanaeth.
• Cynnal asesiadau clinigol ar gyfer cleifion cyn iddynt gael eu brechu. 
• Cefnogi adolygiadau hanes meddygol cymhleth ac adweithiau anffafriol posibl a rhoi cyngor arbenigol fel bo angen.
• Goruchwylio ffurfweddiad y tîm clinigol brechu a'r orsaf frechu o fewn y model darparu brechlynnau torfol. 
• Goruchwyliaeth glinigol ar gyfer darparu brechlynnau diogel. 
• Goruchwylio o ran llunio a pharatoi'r brechlynnau cyn eu gweinyddu a sicrhau fod pob gweithgarwch yn cael ei gofnodi.  
• Bydd deilydd y swydd yn rhoi cefnogaeth a goruchwyliaeth glinigol i'r Imiwneiddwyr.
• Bydd deilydd y swydd  yn sefydlu, cydlynu a darparu hyfforddiant i Imiwneiddwyr Bwrdd Iechyd lleol.
• Bydd deilydd y swydd yn darparu cyngor clinigol arbenigol iawn o ran gofal cleifion. 
• Bydd deilydd y swydd yn darparu cyngor clinigol arbenigol iawn o ran y materion yn ymwneud â chydsyniad plant am imiwneiddiadau.
• Bydd deilydd y swydd yn aml yn ymgymryd ag archwiliadau fel y dynodwyd gan y Rheolwr Tîm, a darparu adborth ar ganlyniadau archwilio.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.