Trosolwg o'r swydd

Mae’r swydd hon am Gyfnod penodol/Secondiad am 12 mis cwrdd gofynion y gwasanaeth.

Ydych chi'n ddietegydd sy'n edrych i ddatblygu eich sgiliau mewn rôl gyffrous?  Eisiau byw a gweithio mewn ardal hynod brydferth gyda thraethau a mynyddoedd ar garreg eich drws?  Yna dewch i ymuno â'n tîm deinamig yng Ngogledd Cymru!

Mae cyfle gwych wedi codi i ymuno â'r Adran Deieteg fel Dietegydd Pediatrig Arbenigol Band 6, am 12 mis tymor penodol/secondiad. Bydd y swydd hon yn rhoi cyfle i chi arbenigo mewn Anhwylderau Bwyta Pediatrig a Gwasanaethau Rheoli Pwysau Pediatrig Lefel 3, sy'n gweithredu ar draws Bwrdd Iechyd Prifysgol Betsi Cadwaladr (BIPBC), ac i ddatblygu gwasanaethau Maeth a Deietegol arloesol ar gyfer plant a phobl ifanc Gogledd Cymru.

Mae'r swydd hon wedi'i lleoli yng Ngorllewin Bwrdd Iechyd Prifysgol Betsi Cadwaladr, wedi'i lleoli o fewn tîm Anhwylderau Bwyta Arbenigol CAMHS.

Prif ddyletswyddau'r swydd

Byddwch yn gweithio fel ymarferydd ymreolaethol profiadol, wedi'i integreiddio o fewn y timau, i ddarparu arbenigedd ac ymyrraeth ddeietegol broffesiynol o fewn y gwasanaethau rheoli pwysau ac anhwylder bwyta. Byddwch yn gweithredu fel adnodd yn yr adran a'r Bwrdd Iechyd, gan ddarparu gwybodaeth a chyngor arbenigol ynghylch plant sy'n byw gyda gordewdra ac anhwylderau bwyta.

Byddwch hefyd yn darparu goruchwyliaeth a chyngor proffesiynol i ddeietegwyr band 5, cynorthwywyr deieteg, a myfyrwyr. Byddwch yn cael cyfle i gynllunio a gweithredu proses gwella ansawdd gadarn ar gyfer maeth yn y ddau wasanaeth pediatreg hyn. 

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.