Trosolwg o'r swydd

Rydym yn chwilio am gyfreithiwr cymwys (Cyfreithiwr/Cymrawd Cyfreithiwr ac Eiriolwr CILEx (Sifil)/Bargyfreithiwr) ym meysydd esgeuluster clinigol, anaf personol a/neu ymholiadau cyhoeddus i ymuno â'n tîm Indemniad Ymarfer Meddygol Cyffredinol (GMPI).
Mae’r tîm yn rheoli hawliadau o esgeuluster clinigol yn erbyn y rhai sy’n gyfrifol am ddarparu Gwasanaethau Gofal Sylfaenol ar ran Byrddau Iechyd Lleol ac Ymddiriedolaethau GIG Cymru, gan gynnwys Meddygon Teulu.

Os hoffech chi wneud gwahaniaeth cadarnhaol a gweithio mewn sefydliad sydd wir yn gwerthfawrogi ei staff, bydd hyn o ddiddordeb i chi.
Bydd eich rôl wedi'i lleoli yn Nhŷ'r Cwmnïau i ddechrau.

Mae’r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg ymgeisio.

Prif ddyletswyddau'r swydd

Rheoli llwyth achosion amrywiol o hawliadau esgeuluster clinigol ar ran GIG Cymru (gan gynnwys hawliadau yn erbyn meddygon teulu a darparwyr gwasanaethau meddygon teulu), gan roi arweiniad i feddygon teulu a chynnal eiriolaeth pan fo’n briodol.
Cefnogi cleientiaid mewn perthynas â materion Pryderon/Gwneud Iawn cleifion.

Mae hon yn rôl amrywiol a fydd yn caniatáu i ddeiliad y swydd ddatblygu ystod eang o sgiliau. Rydym yn ymfalchïo yn ein perthynas â'n cleientiaid ac ansawdd ein gwasanaeth. Bydd disgwyl i ddeiliad y swydd feithrin perthnasoedd cryf â chleientiaid yn gyflym a gallu gweithio'n gyflym. Rydym wedi ymrwymo i arloesedd ac effeithlonrwydd. Rydym yn chwarae rhan allweddol wrth sicrhau newid ledled Cymru. Rydym wedi ymrwymo i ddatblygiad a llesiant ein staff.  Darperir goruchwyliaeth er mwyn i’r cyfreithiwr fagu’r profiad angenrheidiol yn y maes gwaith hwn.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.