Swydd wag: Uwch Ddatblygwr Meddalwedd (Gyda Rheoli), Iechyd a Gofal Digidol Cymru, Caerdydd

Crynodeb o'r swydd

Prif leoliad

Gradd

Gradd 7

Contract

Parhaol

Oriau

Llawnamser
Gweithio hyblyg

37.5 awr yr wythnos

Cyfeirnod y swydd

025-AC318-1225

Cyflogwr: Iechyd a Gofal Digidol Cymru
Math o gyflogwr: NHS
Gwefan: Gweithio Hybrid
Tref: Caerdydd
Cyflog: £48,527 - £55,532 y flwyddyn
Cyfnod cyflog: Yn flynyddol
Yn cau: 10/12/2025 23:59

Uwch Ddatblygwr Meddalwedd (Gyda Rheoli)

Gradd 7

Mae Iechyd a Gofal Digidol Cymru yn sefydliad uchelgeisiol sydd wedi’i greu gan Lywodraeth Cymru i arwain ar drawsnewid gwasanaethau iechyd a gofal digidol. Mae’n adeiladu ar bensaernïaeth ddigidol a gwasanaethau cenedlaethol a roddwyd ar waith gan Wasanaeth Gwybodeg GIG Cymru dros y degawd diwethaf.

Bydd y sefydliad yn arwain ar ddatblygiadau ar raddfa fawr sy’n gwneud gwahaniaeth sylweddol i bobl Cymru ynghyd â gweithwyr iechyd a gofal proffesiynol, megis ehangu’r cofnod iechyd digidol a chreu’r Adnodd Data Cenedlaethol. Bydd yn gwella’r ffordd y mae data’n cael eu casglu, eu rhannu a’u defnyddio.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth sy’n gysylltiedig â recriwtio trwy’r cyfrif e-bost sydd wedi’i gofrestru ar yr ffurflen gais. Gwahoddir pob ymgeisydd i wneud cais yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a wneir yn Saesneg.

Swydd-ddisgrifiad a phrif gyfrifoldebau manwl

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.

Yn y rôl byddwch yn:

Gweithio gyda rhanddeiliaid ac yn cymryd rhan yng nghylch oes cyfan y prosiect.

Gan ddefnyddio arbenigedd a phrofiad technegol, arwain defnyddwyr a rhanddeiliaid eraill ar y ffordd fwyaf effeithiol o ddatrys problemau busnes.

Defnyddio meddalwedd rheoli fersiynau fel GIT neu SVN i reoli gwaith datblygu yn gywir.

Gweithio fel rhan o dîm datblygu ystwyth i ddylunio ac ysgrifennu meddalwedd o ansawdd uchel.

Chwarae rhan allweddol gan weithio ochr yn ochr â gweithwyr proffesiynol meddalwedd profiadol mewn tîm amlddisgyblaethol i gefnogi’r gwaith o gyflwyno cynhyrchion newydd a gwelliannau i systemau cyfredol, sy’n cynnwys cymwysiadau ar y We, Windows a’r Cwmwl.

Ymchwilio i dechnoleg newydd berthnasol, gan asesu ei photensial i wella’r gwasanaethau presennol.

Defnyddio egwyddorion Ystwyth i ddeall ac awgrymu gwelliannau i’r broses ddatblygu i rymuso’r tîm gyda gwell cydweithio a chyfathrebu.

Arwain datblygiad a dylanwadu ar ddyfodol y platfform a’i dechnoleg.

Dylunio, datblygu a gweithredu cymwysiadau, microwasanaethau ac APIs y gellir eu hehangu, ar sail fframweithiau a chanllawiau saernïaeth diffiniedig

Gweithio gydag aelodau’r tîm i integreiddio cod newydd i’r piblinellau integreiddio parhaus (CI) a chyflwyno/gweithredu parhaus (CD) presennol.
Defnyddio egwyddorion Ystwyth i ddeall ac awgrymu gwelliannau i’r broses ddatblygu i rymuso’r tîm gyda gwell cydweithio a chyfathrebu.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Manyleb y person

Cymwysterau a Gwybodaeth

Meini prawf hanfodol

Gradd meistr mewn maes proffesiynol cysylltiedig (neu gymhwyster/profiad cyfatebol).
Tystiolaeth bellach o addysg a/neu hyfforddiant lefel uwch perthnasol, e.e. gwybodaeth a enillwyd trwy brofiad ymarferol o weithio ar y lefel hon, ar draws yr ystod o weithdrefnau ac arferion gwaith.
Tystiolaeth o ddatblygiad proffesiynol parhaus.

Meini prawf dymunol

Cofrestriad Proffesiynol: Technegydd TG Cofrestredig (RITTech)
Uwch Ymarferydd FEDIP, neu gymhwyster proffesiynol uwch cydnabyddedig cyfatebol.
Gwybodaeth am y GIG, systemau gofal iechyd eraill, neu’r sector iechyd, gan gynnwys amrywiadau rhanbarthol neu genedlaethol.

Profiad

Meini prawf hanfodol

Profiad sylweddol o weithio ar gynnyrch a gwasanaethau digidol, mewn rôl debyg, gyda thimau amlddisgyblaethol.
Hyfedr mewn offer meddalwedd sy’n awtomeiddio neu’n cynorthwyo rhan o’r broses ddatblygu.
Hyfedr mewn set o godau a chystrawen (a gefnogir gan offer meddalwedd) sy’n galluogi trosi swyddogaeth benodedig yn god ffynhonnell ar gyfer creu rhaglenni cyfrifiadurol yn ddiamwys.
Hyfedr mewn dulliau a thechnegau ar gyfer adolygiadau strwythuredig, gan gynnwys adolygiadau o gynhyrchion gwaith technegol, cynlluniau prawf, achosion busnes, pensaernïaeth ac unrhyw gyflawniadau allweddol eraill.
Yn gyfarwydd ag offer meddalwedd sy’n awtomeiddio neu’n cynorthwyo unrhyw ran o’r broses brofi ar draws y cylch bywyd profi cyfan neu ran ohono.
Yn gyfarwydd â’r dull DevOps cydweithredol sy’n cynnwys arferion, prosesau a gweithdrefnau ystwyth a gynlluniwyd i hwyluso gwasanaeth TG cyflym a darparu cynnyrch yn gyflym

Meini prawf dymunol

Yn ymwybodol o ddulliau a thechnegau ar gyfer cynnal cyfarfodydd effeithiol ac ar gyfer deall a dylanwadu ar y rolau a chwaraeir gan gyfranogwyr.
Yn ymwybodol o egwyddorion, dulliau a thechnegau ar gyfer sefydlu, dogfennu a chynnal safonau.
Yn ymwybodol o ddulliau a thechnegau sy’n gysylltiedig â chynllunio a monitro cynnydd prosiectau.
Yn gyfarwydd â dulliau a thechnegau ar gyfer hyfforddi unigolion neu grwpiau trwy gyfuniad cytbwys o gefnogaeth a chyfarwyddyd.
Yn gyfarwydd â dulliau a thechnegau ar gyfer gwerthuso perfformiad a photensial unigolyn.
Yn gyfarwydd â nodi, cytuno a monitro amcanion a thargedau i’w cyflawni gydag unigolion, nodi materion tanberfformio yn erbyn safonau ansawdd a meini prawf perfformiad y cytunwyd arnynt, a nodi bylchau mewn gallu a’r achosion.

Sgiliau a Phriodoleddau

Meini prawf hanfodol

Sgiliau meddwl cysyniadol er mwyn meithrin dealltwriaeth a mewnwelediad ynghylch y materion sylfaenol mewn problemau neu sefyllfaoedd cymhleth trwy ddatblygu cynrychioliadau haniaethol, nodi patrymau a dadansoddi damcaniaethau.
Sgiliau creadigol i ddefnyddio dulliau arloesol o ddatrys problemau a/neu lunio datrysiadau dyfeisgar a chreadigol.
Sgiliau rhoi sylw i fanylion i gymhwyso safonau ansawdd penodol i bob tasg er mwyn sicrhau bod yr hyn a gyflawnir yn gywir ac yn gyflawn.
Ymwybyddiaeth traws-swyddogaethol a rhyngddisgyblaethol i ddeall anghenion, amcanion a chyfyngiadau’r rhai mewn disgyblaethau a swyddogaethau eraill.
Sgiliau rhyngweithio â phobl i sefydlu perthnasoedd, gan gyfrannu at ddiwylliant agored a chynnal cysylltiadau â phobl o amrywiaeth o gefndiroedd a disgyblaethau. Bod yn gyfathrebwr effeithiol, sensitif a hawdd mynd ato mewn gwahanol gymunedau a diwylliannau, gyda’r gallu i addasu dull ac arddull gweithredu i ddiwallu anghenion gwahanol gynulleidfaoedd.

Meini prawf dymunol

Ymrwymiad i gefnogi cenhadaeth y sefydliad i annog a chroesawu amrywiaeth a chynhwysiant ar draws y GIG.
Gofyniad i ddangos ac ymgorffori Gwerthoedd ac Ymddygiadau’r sefydliad, gan gynnwys yr Egwyddorion Arweinyddiaeth Dosturiol ar gyfer Iechyd a Gofal Cymdeithasol yng Nghymru.

I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn pob darn o ohhebiaeth cysylltiedig â recriwtio trwy’r cyfrif e-bost a nodwyd ar y ffurflen gais.

Am fwy o wybodaeth am Wasanaeth Gwybodeg Gig Cymru, ewch i’n gwefan

"Mae IGDC wedi ymrwymo i Siarter Rhianta Corfforaethol Llywodraeth Cymru ac rydym wedi ymrwymo i fod yn Rhiant Corfforaethol - gan gefnogi plant a phobl ifanc sydd â phrofiad o ofal i ffynnu, i gael eu clywed ac i gyrraedd eu llawn botensial. Cysylltwch â Thîm Recriwtio IGDC i ddysgu mwy" [email protected]