Trosolwg o'r swydd

Os ydych chi’n chwilio am yrfa ym maes Caffael a fydd yn eich cadw’n llawn cymhelliant, yn cynnig potensial ar gyfer datblygiad personol ac yn eich rhoi mewn sefyllfa i wneud gwahaniaeth cadarnhaol i GIG Cymru, yna mae gan Wasanaethau Caffael PCGC yrfa a fydd o ddiddordeb i chi.

Bydd y rôl hon yn rhan o Bartneriaeth Integredig Caerdydd a’r Fro – Tîm Rheng Flaen Felindre o fewn Gwasanaethau Caffael

Bydd y rôl yn cynorthwyo i gyflwyno a rheoli trafodaethau amserol ynghylch ystod o gontractau a ddyrannwyd sy'n cynnig gwerth am arian gan ddefnyddio offer electronig.

Y broses o adnabod y galw hyd at ddyfarnu a chyhoeddi contractau yn unol â’r rhaglen gontractau cyhoeddedig gan sicrhau y cydymffurfir â safonau sefydliadol a deddfwriaeth berthnasol.

Prif ddyletswyddau'r swydd

Bydd deiliad y swydd yn cefnogi’r Pennaeth Caffael a’r tîm caffael ehangach i ddarparu gwasanaeth caffael drwy wasanaeth cwsmeriaid rhagorol, gweinyddu a rheoli contractau a phrosesau caffael presennol.

Yn ychwanegol at y meini prawf a amlinellir yn y fanyleb, dylech ddangos sut byddech chi'n rhoi eich craffter masnachol ar waith ac yn defnyddio eich sgiliau i gyflawni yn yr amgylchedd cymhleth sy’n newid o fewn GIG Cymru.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.