Trosolwg o'r swydd

Mae’r swydd hon am gyfnod penodol/secondiad am 24 mis yn unol â hyd y cwrs

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae Iechyd a Gofal Digidol Cymru (IGDC) am benodi Prentis Cyfrifiadura Defnyddiwr Terfynol brwdfrydig i ymuno â'n tîm Gweithle Digidol. Mae hwn yn gyfle gwych i ddechrau eich gyrfa mewn TG o fewn y GIG, gan ennill profiad ymarferol wrth gwblhau eich cymhwyster prentisiaeth.  

Chi fydd y pwynt cyswllt cyntaf i ddefnyddwyr gwasanaethau, gan ddarparu cymorth a gweinyddiaeth effeithlon i'r timau Gweithle Digidol. Gan weithio'n agos gyda chydweithwyr ar draws GIG Cymru, byddwch yn helpu i gynnal systemau, cefnogi gwasanaethau gweithredol, a chyfrannu at wella gwasanaethau digidol.  

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Prif ddyletswyddau'r swydd

• O fewn y tîm Gweithle Digidol, gweithredu fel y pwynt cyswllt cyntaf i alwyr a defnyddwyr gwasanaethau, gan ddarparu cymorth i ddefnyddwyr terfynol ac ymateb i ymholiadau yn effeithlon.  

• Monitro systemau galwadau ITSM, gan ddatrys neu uwchgyfeirio ceisiadau yn ôl yr angen.  

• Cynnal a diweddaru taenlenni, cronfeydd data a dangosfyrddau i sicrhau adrodd cywir.  

• Cynorthwyo gydag agendâu, adroddiadau a dogfennaeth ar gyfer y timau Gweithle Digidol.  

• Cydweithio â chydweithwyr a sefydliadau allanol i wneud y gorau o adnoddau a gwella perfformiad adrannol.  

• Mynychu sefydliad addysgol yn unol â gofynion y rhaglen brentisiaeth.  

Gweithio i'n sefydliad

Mae Iechyd a Gofal Digidol Cymru (IGDC) yn gorff cenedlaethol arbenigol ac yn rhan o GIG Cymru. Rydym yn gweithio mewn partneriaeth â chydweithwyr yn GIG Cymru a rhanddeiliaid allweddol eraill i ddarparu gwasanaethau digidol a data cenedlaethol sy’n cefnogi’r gwaith o ddarparu iechyd a gofal cymdeithasol yng Nghymru. Mae gwasanaethau iechyd a gofal modern yn dibynnu ar offer digidol, data a gwybodaeth da. Mae IGDC yn rhedeg neu’n gweithio gyda mwy na 100 o wasanaethau ac yn darparu rhaglenni trawsnewid digidol cenedlaethol mawr i gefnogi hyn. Yn ogystal, mae IGDC yn darparu cyngor arbenigol mewn perthynas â seiberddiogelwch a llywodraethu gwybodaeth. Rydym yn rhoi’r offer digidol i staff rheng flaen sy’n eu helpu i ddarparu gofal mwy diogel a mwy effeithlon. Rydym hefyd yn rhoi offer digidol i gleifion a’r cyhoedd i reoli eu hiechyd a’u llesiant eu hunain yn well, gan rymuso pobl i fyw bywydau iachach. Rydym yn rhoi pobl wrth wraidd popeth a wnawn, gan weithio i’r safonau uchaf i ddarparu ansawdd ac i wneud digidol yn rym er gwell ym maes iechyd a gofal. 

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.